U.E.B.

Era U.E. Bossòst desire un Bon Nadau e un eròs an nau 2009 entà toti.

Passam a 1/8 de finau sense guaires problemes. Partit fàcil eth jogat aguest dissabte en Cierp dauant der Estadens. Era U.E. Bossòst dominèc es 90 menuts deth partit. Podíem auer artenhut ua golejada s’auessem estat mès encertadis dauant era porteria contraria. Ath delà eth portèr der Estadens siguèc eth milhor jogador tamb arturades fòrça bones. Eth nòste portèr Monchi siguèc un espectador mès deth partit, pràcticament non toquèc cap de pilota. Es gols siguèren marcadi per Moha en minut 38 en aprofitar ua passada laguens der àrea, Felipe en minut 50 en transformar un clar penalty e Moha en un xut laguens der àrea en minut 58. Eth partit quedèc sentenciat enes prumèrs minutes dera dusaua mietat, d’aquiu enquiath finau multiples ocasions entà marcar gols, mès non acertèrem. Ara descansam sonque aguesta dimenjada. Tornam a jogar ath començament der an 2009. Eth pròplèu partit jogam en casa dauant er Isle en Dodon. Partit : dissabte 3 de gèr tàs 20 :00 ores. Huelha deth partit: U.E. Bossò...

Ath finau degut ara nhèu qu'auem en Bossòst, eth partit de 1/16 de finau dera Copa de Comminges se jogarà en terren de joc de Cierp, deman dissabte 20 de deseme tàs 20:00. Aguest ei er unic partit que quede d'aguesta eliminatòria. Sortejat dejà es 1/8 de finau, eth guanhador d'aguest partit jogarà en Estancarbon dauant deth Landorthe-Estancarbon. Açò serà en an 2009, dissabte 10 de gèr tàs 20:00. Dam fòrça gràcies ara directiua deth Cierp e ath sòn ajuntament pes facilitats dades entà que se jogue aguest partit en sòn terren de jòc.

Quin domatge!, a darrèra ora mos empaten un partit qu’er equip portaue controlat. Partit dominat per nosati enes 90 menutes; non sabèrem concretar es múltiples ocasions qu’auèrem dauant era porteria deth Boussens e ath finau passèc ac qu´auie de passar . Atau, ena prumèra part, auèrem ua clara ocasion d’Adrian R. que tot solet dauant deth portèr Comas, xutèc contra eth sòn còs; en ua falta Polilla hèc a empleà-se a Comas que desvièc entà cornèr; Adrian H. en un bon xut e un aute viatge Comas entà cornèr; Moha non arribèc a plaçar era pilota per molt poc laguens dera porteria; eth portèr Comas cometèc un error en un control e era pilota la treiguèc dera madeisha línea de gol. Tot açò ena prumèra mietat e eri solet s’apropauen en bèra falta o cornèr. Ena dusaua mietat er equip continuèc eth son domini e atau, ena menuta 65, en ua jogada pera banda de J.Carlos en sòn centre, l’agarrèc tamb era esquèrra Felipe des de laguens der àrea e marquèc un gran gol. Semblaue qu’auiem hèt lo més difí...

Aguest dissabte 6 de deseme eth partit entre era U.E. Bossòst e er Isle en Dodon non s'ha pogut jogar per maus condicions deth terren de jòc. En totau , s'han suspenut 5 partits de 6; sonque s'a jogat eth Gourdan 3 - B. Luchon 3. Eth pròplèu partit jogam en Bossòst dauant eth Boussens eth dissabte 13 de deseme tàs 20:00.

Ena aguest 4au tour dera Copa de Midi, semblaue que mos auie tocat un bon sorteig. Ath finau, derròta contundent per 3-0. Eth partit siguèc jogat en un terren bastant dolent, tamb fòrça hanga, que mos perjudiquèc fòrça a nosati. Eth St. Lys pendent tot eth partit joguèc ath màxim e se trobèc fòrça ben en terren de jòc, ath contrari de nosati. Era U.E. Bossòst en prumèr minut auèc era mès clara ocasion deth partit : Moha solet dauant era porteria xutèc enta dehòra. Eth St. Lys, jogaue un fotbòl directe, pilotes as sòns delanters Lecussan e Gomes que mos metíen en fòrça problèmes. Atau, ena minuta 30, Gomes marcaue eth 1-0. Tamb aguest resultat s’arribaue ath descans. Ena dusaua mietat dominèren més eth jòc, e semblaue que controlàuem eth partit, mès en un contraatac ,eth madeish Gomes marcaue eth 2-0. Quedauen 20’ e er equip intentèc ath màxim remontar eth marcador mès non mos acompanhèc era sort; per dus viatges es xuts d’Ariel e Felipe anèren tath garròt.Ath finau en un cornèr eri mar...

Partit tostemp complicat eth que joguèrem dauant deth Montespan, equip molt físic e terren de jòc en dolentes condicions; ath delà, nosati ath finau auèrem fòrça baixes de jogadors titulars. Eth partit comencèc fòrça mau, quan portàuem 3 minutes, en ua pilota bombejada en àrea, Monchi non podèc desviar, e eth jogador locau Laforgue sense voler, tamb era esquia marcaue eth 0-1. Era causa non pintaue guaire ben, sonque 11 jogadors, sense cap de canvi , e 1-0 en contra. Mès er equip reaccionèc fòrça ben e les dèrem un banh de coma se jogue a fotbòl. Ena minuta 20’ Alex marcaue un gran gol pera esquaira dreta e empatàuem a 1. Eri sonque mos paràuem tamb faltes; Pèir siguèc derribat en àrea clarament mès er arbitre non fiulèc penalty. Lèu dera mieja part, ua paret entre Pèir e Alex, permetia a Alex marcar eth 1-2. Tamb aguest resultat s’arrivaue ath descans. Ena dusaua mietat eri artenhíem er empat en ua jogada de molta mala sort entà nosati; eth sòn delantèr Dutheil, a pòrta vueda, marca...

Aguest darrèr dissabte auem patit era prumèra derròta en casa. Partit fòrça igualat e disputat. Ena prumèra part es dus equips auèrem suficientes jogades entà marcar, més era bona intervencion des portèrs evitèc eth gol; atau madeish, es xuts de Adrian H. e Filloy siguèren desviadi a cornèr per portèr Cazes e Moha auèc ua gran ocasion entà marcar. Eth Luchon portèc perilh enes jogades des sòns delanters Davy e Barta C. Era prumèra mietat acabaue tamb 0-0 en marcador e se veiguie qu’eth prumèr equip qu’ artenhèsse marcar, s’emportarie eth partit; ath delà, en auer tanta igualtat en partit , aguest se decidic per petits deltalhs. Atau, ena minuta 2’ dera represa, eth Luchon marcaue eth 0-1 per miei de Davy en tot aprofitar ua indecision dera nòsta defensa. Ena minuta 20 en un aute error defensiu, eth madeish jogador marcaue eth 0-2. Era U.E. Bossòst sagèc de retalhar distàncies en marcador, mès non podèc, era actuacion deth portèr e defenses contraris siguèc fòrça bona. Es dues milhors ...

Partit de clar domini dera U.E. Bossòst eth que se joguèc aguest dissabte en Estancarbon dauant eth Landorthe. Sonque i auèc un equip (U.E. Bossòst) enes 90 minutes que cerquèc eth gol. Er equip locau maugrat de jogar en casa, èren tot eth partit embarradi en sòn camp. Era U.E. Bossòst auèc fòrça oportunitats entà marcar, mès era fortuna mos birèc era esquia. En dues jogades es defensas treiguèren era pilota dera línea de gol, quan era pilota entraue. Fòrça xuts que passèren ath costat deth garròt. En i autes ocasions eth sòn portèr desvièc es xuts entà cornèr. Ei ua lastima non auer aprofitat aumens ua ocasion entà guanhar eth partit. Ath finau, er equip ère desmoralitzat per non arténher era victòria qu’auie mereishut, mès cau díder qu’es jogadors joguèren fòrça ben e qu’aguest viatge non auem guanhat, mès èm fòrça contenti der equip, conforme jogue. Evidentment, er equip contrari celebrèc er empat coma ua gran victòria. Eth pròplèu partit jogam en Bossòst eth derbi deth Portilhon da...

Partit típic de Copa eth disputat aguest darrèr dissabte en Bossòst. Emocionant, vibrant, bon jòc e ath finau mos classificam enes lançaments des penaltys. Era U.E. Bossòst comencèc eth partit fòrça ben ; atau ena minuta 2, Pèir aprofitaue un pase de Moha entà marcar eth 1-0. Ena minuta 15 clar penalty a Moha que Felipe transformaue entà marcar eth 2-0. Auèrem bèra oportunitat mès, sustot un xut de Jorge de luenh que passèc a prop deth garròt. Eth Ramonville s’apropèc ath finau dera prumèra mietat tamb xuts de luenh. Ena dusaua mietat, mantenguèrem molt ben eth resultat en prumèr quart d’ora ; mès auèrem 2 minutes dolentes en qu’ eth Ramonville mos empataue era eliminatòria a 2. Er equip passèc aguesti moments dificils en tot luitar ath màxim. Lèu ath finau deth partit Adrian R. tot solet dauant deth portèr auèc era oportunitat entà decidir era eliminatòria, mès es sòns dus xuts non trobèrem eth gol. Ena prolongacion, nosati èrem fòrça milhor qu’eri ; Pèir auèc ua bona ocasion entà mar...

Important victòria dedicada ath nòste capitan TITO. Ère eth prumèr partit que se jogaue en nòste camp sense èster tamb nosati, dempús d’ èster operat aguest passat dimars; er equip gessèc tamb ua samarreta de suport tamb es inscripcions: Ànim TITO , èm damb tu . Siguèc un partit fòrça disputat: eth SaliesMane venguèc a jogar a fotbòl e aquerò se notèc enes 90 minutes deth partit; eth partit siguèc fòrça igualat, mès nosati auèrem clares ocasions, sustot ena prumèra mietat entà guanhar eth partit. Ena minuta 15 auèrem era prumèra ocasion en un remat de cap d’Alex que anèc dehòra per molt poc. Ena minuta 20 Moha solet dauant deth portèr xutèc per dus viatges e era pilota anèc entà cornèr. Ena Minuta 25’ Pèir en bona posicion, xutèc per dessús deth garròt. Eth SaliesMane s’auie apropat en xuts de luenh. Ena minuta 30 en un cornèr Alex agarraue era pilota laguens der àrea e xutaue entà marcar eth 1-0, un polit gol. Tamb aguest marcador s’arribaue ath descans. Ena dusaua mietat, ena prumè...

Eth nòste capitan, Tito Batalla, a estat operat aguest darrèr dimars, d'ua greu malautia. Demoram ua bona recuperacion e que lèu tòrne tàs camps de fotbòl. ¡¡¡ VENGA TITO, ANIMS CAPI !!!

Sorteig des equips de Comminges: Grenade - Isle en Dodon dissabte 1 de novème tàs 20:00. SaliesMane 1 - Labege dissabte 1 de novème tàs 20:00. Toulouse Rangueil - Clarac Pointis dissabte 1 de novème tàs 20:00. Lauragais - St.Gaudens dissabte 1 de novème tàs 20:00. Castelginest - Cazeres dimenge 2 de novème tàs 14:30. U.E. Bossòst - Ramonville dissabte 1 de novème tàs 20:00

Long desplaçament entà jogar aguesta 2ª ronda dera Copa de Midi, 20 km mès enlà de Toulouse, dauant eth Gratentour, un equip de categoria inferior. Ena prumèra mietat, fòrça igualtat entre es dus equips. Ena dusaua part podèrem hér era diferéncia en marcador. Ena minuta 60 Adrian de fauta directa marcaue eth 0-1. Ena minuta 80 Moha, marcaue eth 0-2. Ath finau se notèc era nòsta melhor forma fisica e tecnica. Èm er unic equip deth districte de Comminges qu’auem passat eliminatòria; des equips que joguent ena Liga de Midi, es de Promotion liga coma Boulogne e Landorthe tanben an estat eliminadi; sonque quèden es equips de dues o tres categories, coma St.Gaudens, Cazères, Salies e Isle en Dodon. Èm conscients qu’aguesta Copa non la podem guanhar, mès èm contenti d’ éster des poqui equips que quedam de Comminges. Era pròplèu dimenjada tornam a jogar partit de liga, aguest viatge en Bossòst dauant er equip de SaliesMane que díden qu’ enguan s’ha reforçat fòrça entà pujar de categoria, dissa...

Aguesta sason auem començat fòrça malamente tamb es arbitratges. Creigui que non i a cap equip qu´ age patit aguesti maus arbitratges coma a passat ara U.E. Bossòst, coma minim mès de 4 punts s’ an quedat peth camin. De totes manères cau continuar en tot guardar entà dauant e demoram qu’ era sort mos cambie. Quant ath partit, madeish guion qu’ es anteriors: nosati portant era iniciatiua, tamb bon jòc, tocam ben era pilota e eth contrari tamb contres ràpides cerca de susprèner ara nòsta defensa. En minut 20 artenhíem eth 0-1 en un pase de Adrian que Moha controlèc e xutèc tamb era sua cama esquèrra entà marcar eth gol. Er Encausse aprofitèc es jogades a pilota parada, sustot es cornèrs entà méter en dificultats ath nòste portèr Carrasco qu’auèc de desviar era pilota entà dehòra. Ena minuta 35 en un cornèr, remat de cap d’un jogador der Encausse e Jaime trè era pilota dera linea e dauant era sorpresa de toti es jogadors ( incloidi es der Encausse), er arbitre fiulèc penalty. Eth jogador ...

Ara tercera ac auem artenhut, prumèra victòria deth campionat. Victòria fòrça trebalhada dauant er equip de Martres Roquefort. Eth partit comencèc tamb bon ritme des dus equips que cercauen guanhar eth partit. Lèu deth minut 15, Martres auèc era unica ocasion de tot eth partit ; eth sòn delanter Guantin xutèc per dus viatges, mès eth nòste portèr Monchi refusèc es dus xuts. Nosati auèrem bones ocasions entà marcar per part de Filloy que tot solet quan semblaue qu’eth gol ère clar, eth sòn cop de cap anèc entà dehora ; e dempús Alex, que tot solet xutaue per dessus deth garròt. Ena minuta 35 Moha, presionèc ara defensa contraria e s’aprofitèc deth error defensiu entà portà-se era pilota entà plantà-se dauant eth portèr deth Martres , Firmino e xutar lheuant suament era pilota entà marcar eth 1-0, un polit gol entà arribar tamb aguest resultat en descans. Ena dusaua mietat, jòc tamb poques ocasions. Er equip seguie cercant eth gol, no mos podíem fiar tamb aguest resultat e atau, ena minu...

En prumèr desplaçament auem encajat era prumèra derròta deth campionat. Eth partit a començat mau, tamb eth penalty que sonque er arbitre veiguèc e fiulèc en minut 3 deth partit e qu’ Aurignac aprofitèc entà marcar eth 1-0. Encara mancaue molt de partit; era U.E. Bossòst portaue era iniciatiua e er Aurignac sajaue d’ampliar eth marcador en jogades de contraatac. Lèu dera minuta 30’ en ua fauta tirada per Jorge, era pilota anèc tath garròt. Tamb eth 1-0 s’arribaue ath descans. Ena dusaua part continuèc en nòste infructuos domini, sense poder arténher cap de gol. Quan faltaue 20’ entà acabar eth partit, greu lesion deth jogador d’Aurignac Brana, que tot solet s’hèc mau en jolh ; eth partit se parèc un quart d’ora e ena represa , a manca de 5’ tath finau, Aurignac aprofitèc un error defensiu nòste entà marcar eth 2-0 que serie eth marcador definitiu ath finau deth partit. En resum, prumèra derròta dauant un equip qu´a baishat enguan entara nòsta categoria, qu’estèc molt ben posicionat en ...

Aguest dimenge auent disputat eth prumèr partit deth campionat. Era vertat ei qu'ere estranh jogar en casa tàs 3 dera tarde tant poc public ( a mès era Vuelta Espanha arrivaue en Pla de Beret). Eth partit siguèc bastant dolent dauant un equip de Labarthe-Inard qu'ac finau s'emportèc lo que volguèc, non gesse perdedor d'aguest partit. Nosati non estèrem bric ben, ac contrari deth darrèr partit, eth jòc siguèc fòrça lent e molt previsible tant poqui tocs dera pilota e quasi sense qu'es portèrs auesent de parar cap de pilota. Mos adelantèrem ena minuta 20 en un centro de Pèir qu'Ignasi aprofitèc era badada dera defensa entà marcar eth 1-0. Tamb aguest resultat s'arrivèc ath descans. Ena dusaua part tot igual, mès tot cambièc enes darreres 10 minutes. Prumèr Labarthe-Inard mos empatèc en ua jogada que eth nòste portèr e era defensa non s'enteneren e eth jogador Essaoui marcaue a porta bueda eth 1-1. Faltauen 10 minutes eri patiren era expulsion d'eth so...

En partit disputat aguest dissabte, er equip dera U.E. Bossòst, joguèc aguesta eliminatòria de Copa de França dauant er equip de Cazeres de Division Honneur Regional, 3 categories mès que nosatis. Era U.E.B. hèc un bon partit e estèc jogant de tu a tu un equip fòrça superior. Eth nòste portèr Carrasco siguèc un des destacats der equip, mès cau díder que tot er equip estèc a u nau niveu. Ena prumèra part, joc sense guaire oportunitats; nosati reclamarem ua queijuda d'Ignasi; tamben patirem era lesion de Polilla, e quan casi arrivauem tant eth 0-0 ath descans, ena darrera minuta eth jogador deth Cazeres Milan, realitzèc un bon control e xutèc entà marcar eth 0-1. Açò non anèc ben ath equip. Ena dusaua part, sabíem que serie dificil auantar era derrota minima, mès eth equip se repleguèc fòrça ben. Aurem ua bona jogada entà empatar mès eth xut d'Adrian anèc entà dehòra per ben poc. Tambén en ua jogada iauèc ua clara posada a Ignasi laguens der area que se quedèc sense fiular arren....

En partit disputat aguest darrèr dissabte, victòria comoda per 0-2 dauant eth Villeneuve-Lecussan. Tot eth partit siguèc dominat pera U.E. Bossòst; er equip contrari estèc demorant embarrat en sòn camp e intentat luitar entà qu’era diferència en marcador non siguese més grana. Enes prumères minutes dues clares ocasios d’Ignasi, en ua eth sòn xut anèc en garròt. En minut 20’, ua bona jogada d’atac, acabe tamb un bon pase de Jorge a Ignasi que solet dauant eth portèr contrari, lleue suau era pilota entà marcar eth 0-1. Ena prumèra meitat encara ua clara ocasión de Polilla qu’un defensa treiguèc era pilota quan entraue. Tamb eth 0-1 s’arrivèc ara mieja part. Ena dusaua part continuèc eth domini clar deth nòste equip. En ua falta Polilla xutèc era pilota en garròt. Eth Villeneuve-Lecussan en ua contra, en que se reclamèc dehòra de joc, auèc era soleta ocasión deth partit. En darrèr minut Ariel, solet en dusau garròt marcaue eth 0-2. En resum partit tamb victòria fácil més cuerta. Ara en pa...

Aguest dissabte 23 d'agost tàs 20:00 en Villeneuve-Lecussan comence era competicion dera Copa de França. En partit deth Memoraiau Manuel Huguet: U.E. Bossòst 1 - U.D. Montañesa 2. En partit de Veteranos: Veteranos U.E. Bossòst 3 - Veteranos Val d'Aran 2.

Eth dia 15 d'agost tàs 19:30 XIX Memoriau Manuel Huguet entre era U.E. Bossòst - U.D. Montañesa. Eth dia 16 d'agost tàs 19:00 Veteranos U.E. Bossòst - Veteranos Val d'Aran

Eth plòplèu diuendres 8 d'agost tàs 20:15 en edifici Hont de Rüste de Bossòst, Asamblea Generau de Socis.

En partit disputat aguest dimèrcles en Bossòst dauant ua bona preséncia d’aficionadi, era U.E.Bossòst perdèc per 0-4 contra era U.E. Sant Andreu. A diferéncia deth prumèr partit, er equip dera U.E. Bossòst se trapèc melhor en terren de jòc, e plantèc cara a un rival de fòrça mès categoria. Tot eth partit siguèc dominat pera U.E. Sant Andreu. Ena prumèra part, sonque un gol de falta directa. Ena dusaua part, ath finau se notèc eth cansanci der equip e mos marquèren 3 gols mès. Alineacions: U.E. Bossòst 0 – U.E. Sant Andreu 4 U.E. Bossòst : Monchi (30’ Carrasco, 60’ Roger), Marc (45’ J. Carlos), Felipe , Viló, Jaime, Tito (60’ Eric) , Jorge, Adrian (65’ Borja) , Polilla (35’ Ariel) , Peir , Ignasi (45’ Alex) Trainer : Jordi U.E. Sant Andreu: Morales, Luso, Oriol Ricarte, Álvaro Corral, Moyano, Dani Martí, Edu Oriol, Jorge Sánchez, Eloi, Lanzarote ¡ Pablo Sierra. Tanben joguèren: Rueda, Gerardo, Marcos Martín, Guirado, Pons, Besora, Abraham, Teixidor y Òliver. Trainer : Natxo González A...

Ager arribèc era U.E. Sant Andreu entà hèr eth stage de pretemporada ena Val d’Aran. Entrenaràn tota era setmana (maitin e tarde) desde eth dia 28 de junhsega ath 1 d'agost en Bossòst. Eth plòplèu dimèrcles 30 de junhsèga tàs 20:00 ores , partit U.E. Bossòst – U.E. Sant Andreu

En partit disputat aguest dissabte en Bossòst dauan ua bona presència d’aficionats era U.E.Bossòst perdèc per 0-8 contra era U.E. LLeida. Eth partit siguèc dominat pera U.E. Lleida tota era estona. Ena primera part se marqueren 3 gols. En dusaua part se marqueren 5 gols més. Alineacios: U.E. Bossòst 0 – U.E. Lleida 8 U.E. Bossòst : Roger (45’ Carrasco), J.Carlos (65’ Eric), Felipe , Viló (75’ Borja), Filloy (45’ Marc), Liaño , Jorge, Adrian , Polilla (45’ Ariel) , Peir , Moha Trainer : Jordi U.E.Lleida : Eduardo, Galan, Casado, Roca, Dani Marín, Urrea, Mikel, Massana, Sellares, Figuerola, Parra. Ena dusaua part jogueren Joel, Aleix, Dani, Benet, Ermengol, Keko, Adrià, Jimenez, Campabadal Trainer : Emili Vicente Arbitre : Antonio Nuñez Liniers: Paco Faure, Manolo Faure 4º Arbitre: Agustin Calbeto Gols : 0-1 Galan (5’), 0-2 Sellares (17’), 0-3 Parra (37’), 0-4 Ermengol (60’), 0-5 Jimenez (70’), 0-6 Keko (75’), 0-7 Ermengol (penalty 80’), 0-8 Adrià (85’) Tarjeta auriòla: Tarjeta verme...

Ager arribèc era U.E. Lleida entà hèr eth stage de pretemporada ena Val d’Aran . Entrenaràn tota era setmana en Bossòst . Eth plòplèu dissabte 26 de junhsèga tàs 19:00 ores , partit U.E. Bossòst – U.E. Lleida

Ena serada des Prèmis 17 de Junh e en tot auer-se amiat a tèrme era suma des diuèrses puntacions, s'an autrejat es guardons de Blancaflor ara Union Esportiva Bossòst "pr'amor dera trajectòria ath long des darrèri ueitanta ans en favor der espòrt ena Val d'Aran e des mèrits artenhudi". Es prumèri Prèmis 17 de Junh nèishen damb er objectiu de méter en valor era data deth 17 de junh e eth sòn significat coma Hèsta d’Aran, e de reconéisher e avalorar eth trabalh e era trajectòria de persones e collectius apertients a diuèrsi encastres dera nòsta societat, enguan aguesti encastres son eth der espòrt, era promocion economica e era cultura.

Non podèrem jogar eth partit contra eth Koskas per diverses circunstàncies alienes a nosatis. Damb es gràcies tant ara Real Sociedad coma ara Federacion Guipuscoana de Fotbòl (Eth sòn president Sr. Juan Luis Larrea, eth sòn secretari Sr. Patxi Gabilondo e eth sòn Director esportiu Iñaki Cena ) que mos faciliterent es entrades gratuites ( 24 en totau) entà poder anar tath estadi d’Anoeta entà veir eth partit Real Sociedad – U.D. Salamanca.

Entà méter eth punt e finau ara sason 2007-2008, er equip se desplace aguesta dimenjada entà Donostia.. Aquiu jogaram un partit amistós contra eth Koskas, equip de 2ª regionau que se trape actuaument en tot jogar eth play-off entà pujar a 1ª regionau. Aguest non ei eth partit mès luenh qu’auem jogat , donques hè 10 anys, mos desplacèrem entà Gasteiz tà jogar un partit ena despedida deth nòste jogador Luis Joli Codina. En aguest desplaçament entà Donostia , er equip estrenarà es naus xandals entara sason 2008-2009. Aguest equipament ei subvencionat pera empresa HORMARAN S.A.

Brillant victòria dera E.F. Val d'Aran ena final de 13 ans. Aguest equip aguest an a hèt doublet guanhant era Liga e era Copa de Comminges. Tabé guanhèc eth Torneig de Luchon. Resultats des Finals 13 ans SaveGesse 1 - E.F. Val d'Aran 6 15 ans Cazeres 1 - B. Luchon 1 (penaltis B . Luchon 2, Cazeres 1) 18 ans CSTGaudens 1 - Cazeres 0 Seniors SaliesMane 0 - Isle en Dodon 0 (prorroga SaliesMane 2- Isle en Dodon 0)

Dimenge 25 de mai deth 2008 Stade de Sede en St.Gaudens 09:30 Final 13 ans SaveGesse - E.F. Val d'Aran 11:00 Final 15 ans U.S. Cazeres - B. Luchon 14:30 Final 18 ans CommingesStGaudens - U.S. Cazeres 16:30 Final Seniors Isle en Dodon - SaliesMane

En darrèr partit deth campionat disputat , patirem era prumèra derrota en nòste camp en un partit en que comencèrem en tot marcar tàs 5’ un polit gol, en jogada e centre d’ Ignasi e que Alex remataue eth 1-0. Patirem tanben era lesion de Liaño enes prumères menutes e açò no mos anèc bric ben. Auèrem bères jogades entà incrementar eth marcador, mès non acertèrem ena darrèra rematada. Er Isle en Dodon, ena minuta 30, en ua pilota que perdèc ena nòsta defensa, Robin aprofitaue tà xutar e marcar er empate a 1. Atau , arrivàuem ath descans. Ena dusaua mietat, en ua auta pilota perduda ena defensa, Delavergne se plantaue dauant de Roger e marcaue eth 1-2. En ua falta fòrça ben xutada, Morandin, marcaue eth 1-3. E entà acabar, tàs 15 menutes iniciaus dera dusaua part plan efectius per part der Isle en Dodon, Rodríguez marcaue eth 1-4. Mancauen encara 30 menutes de partit ; ei vertat qu’ er equip li costèc reprèner eth jòc dempús d’encajar 3 gols seguidi. Passadi ues menutes, Ruben marcaue en ...

Dusau derròta seguida per prumèr viatge en campionat. Tanben per dusau partit, er equip se quedèc sense marcar cap gol. Ei vertat qu’er equip portèc eth domini deth joc en tot moment, mès, es ocasions qu’auèrem entà marcar, s’auien d’auer materialitzat; se non, passe lo que passe . Eth Labarthe de Riviere aprofitèc un cornèr ena minuta 23 tà que Vanin tot solet marquèsse eth 1-0, resultat que serie eth definitiu. Er equip continuèc eth sòn domini mès, uns viatges era bona intervencion deth portèr Milan , d’auti viatges, era sua defensa treiguíe era pilota dera linea, e bères ocasions, es nòsti delanters xutauen era pilota dehòra. Cau díder qu’eth camp ère molt mau, e sustot mos perjudiquèc mès a nosati qu’ erem er equip mès tècnic; de totes maneres açò non a de servir coma desencusa entà non puntuar en aguest partit dauant un des equips dera part baisha dera clasificacion. Non podèrem aprofitar er empat deth St.Gaudens en terren de Montespan a 0 gols. A manca d’un partit , era clasific...

Aguest dissabte 3 de mai tàs 18:00 ores partit en Labarthe de Riviere contra er equip locau ena auant darrera jornada deth campionat

Derròta dera U.E. Bossòst que, amassa damb era victòria deth St. Gaudens, hè qu’en aguest moment er equip sigue dusau a 3 pts deth líder. Partit eth d’aguest passat dissabte fòrça igualat e disputat. Cap des dus equips, impossèc eth sòn jòc. Ena prumèra mietat, a despiet de que non se botjèc eth marcador, bones ocasions tàs dus equips, mès era actuacion des dus portèrs impedic que se marquèsse. Tamb eth 0-0 s’arrivaue ath descans. Pensàuem qu’er equip que marquèsse se´n portarie eth partit. Nosati ac podèrem hèr ena minuta 70: Jon aprofitèc un error dera defensa deth Landorthe entà plantà-se dauant Lacaze e marcar d’un tir ras a costat deth garròt. Quedauen 20 minutes e eth partit ena dusaua part ,semblaue bastant controlat, mès en dues jogades fòrça semblantes en que non arrivèrem a despejar luenh dera zòna der àrea era pilota, eth jogador Armengaud enes dues ocasions cap-viraue eth marcador. Açò pasaue en 5 minutes e er equip ja non podèc auer cap ocasion entà remontar eth marcador....

Eth SaliesMane - Isle en Dodon jogarant era Finau de Copa de Comminges eth dia 25 de mai tàs 16:00 ores en Stade de Sede en St. Gaudens. Un des dus equips serà qui reemplaçe en palmarés ara U.E. Bossòst, eth campion vigent. Eth plòpèu partit deth campionat jogam en Estancarbon eth dissabte 19 d'abriu tàs 20:00 ores dauant eth Ent.LandortheEstancarbon.

Victòria corta era artenhuda pera U.E. Bossòst dauant der equip deth Labarthe-Inard. Sonque 2 a 0 en un partit dominat peth nòste equip. Des d’un començament, ja se veiguie qu’eth Labarthe-Inard venguie a cercar un empat; toti darrèr, sonque portaue un jogador de canvi e arrés ena banqueta. Es nòsti jogadors pot èster per excés de confiança , tampóc joguèren un bon partit. Ena prumèra mietat, ja podiem auer sentenciat eth partit; en minut 15 clar penalti, que Felipe marcaue eth 1-0. Dempús, clara ocasion d’Ignasi que xutèc dehòra. Ena minuta 35 clar penalti sus Ignasi, mès aguest viatge Felipe xutaue en garròt e era pilota anaue dehòra. Lèu deth minut 45 gol anulat a Pèir per dehòra de joc molt justet. Tamb 1-0 s’arrivaue ath descans. Ena dusaua mietat, en minut 60 Moha en jogada personau marcaue eth 2-0 que serie eth resultat definitiu. Tanben s’anulèc un gol a Adrian per dehòra de joc. Eth Labarthe sonque xutèc un viatge en tot eth partit tamb bona parada per part de Roger. En resum,...

Partit tamb fòrça duresa e pòc fotbòl hèc que se disputèc eth dissabte en Luchon. Cada jogada qu’acabaue en falta, hege qu’eth jòc se parèsse ues quantes menutes e ath delà, es jogadors deth Luchon increpauen es accions: s’ère falta nòsta, se queixauen pera duresa dera falta, s’ère falta sua, increpauen ath jogador qu’ère en terra que non n´auie per tant e que s’auie de lheuar . Atau, non se podia jogar eth partit e ar arbitre se l’escapèc des mans. Non auie d’auer permetut aguest comportament des jogadors deth Luchon e se non ac podie controlar, aurie d’auer suspenut eth partit. Quant ath partit, en minut 2 , bona jogada de Moha que passe a Ruben que tot solet dauant de Caze I, xutèc en garròt e ara seguida Ignasi tirèc dehòra. Ena minuta 15, dempús de driblar a dos jogadors, clar penalty sus Pèir que Felipe s’encargaue de marcar eth 0-1. Ena minuta 35, en ua falta tirada desde luenh per Diverchy, eth nòste portèr Roger non podèc parar era pilota e Luchon artenhie er empat. En ua jog...

Partit fòrça disputat e tamb fòrça intensitat entre es dus prumèrs deth campionat. Enes prumèrs minutes eth St. Gaudens auèc era sort de daurir eth marcador en ua jogada en que se reclamèc ua falta per part d’un jogador deth St. Gaudens a Ignasi. Eth jòc continuèc e dempús d’ua paret, Duclos d’un fort xut tamb era cama ezquerra, marcaue eth 0 a 1. Ara U.E. Bossòst li hèc fòrça mau encajar aguest gol e costèc entrar en partit. Passadi ues minutes, eth domini deth Bossòst siguèc mès gran ; bon xut de J.Carlos qu’eth portèr Bosc desvièc a corner, xut de Filloy q’un defensa desvièc a cornèr e ues quantes jogades que per poc non s’arrivèc a marcar. Tamb eth 0-1 s’arrivaue ara mieja part. Ena dusaua part eth Bossòst encara dominèc tamb mès claritat e tàs 15 minutes, Felipe aprofitaue un error de Bosc en non blocar un balon e marcaue eth 1 a 1. Encara quedaue mieja ora entà jogar, s’auie hèt lo mès difícil e ara calie rematar eth partit. En un bon xut de Jon que siguèc eth jogador qu’ac pro...

Aguest darrèr dissabte eth St. Gaudens guanhèc 1-0 dauant deth Labarthe-Inard e se plaçe a 3 punts dera U.E. Bossòst. Aguest dissabte 15 de març en Bossòst tàs 20:00 partit entre es dus prumèrs clasificats: U.E Bossòst-St. Gaudens. Demoram ua bona presència d'aficionats entà poder dar suport ath sòn equip e guanhar aguest important partit.

Dempús der enfrentament hè 15 dies en Miramont, ara anàuen a jogar en sòn camp. Era U.E. Bossòst artenhèc ua naua victoria dauant deth F.C. Gourdan per 0 a 2. Ja auiem talents toti de que passèssen aguesti dus partits e lo mielhor de tot : dues victories clares e sense cap incident. Aguest partit que se joguèc aguest darrèr dissabte, siguèc fòrça disputat ena prumèra part. Cau díder qu´ eth camp ère fòrça dur e açò dificultèc plan eth jòc. Es dus equips auèrem ocasions entà daurir eth marcador ; eth Bossòst reclamèc dues mas fòrça clares laguens der àrea, e un bon cop de cap de Liaño qu´anèc dehòra per poc ; eth Gourdan responèc tamb un xut d’Arieu que tanben anèc dehòra. Ena minuta 35 en un bon centre de Pèir, Alex realitzaue un control difícil e d’ua volea plaçaue era pilota ena esquaire luenh deth portèr Alosi. Un gran gol que mos permitíe arrivar tara mieja part tamb ventatja en marcador. Era dusaua part, siguèc mès clar eth nòste domini; eth Gourdan s’apropèc fòrça poc ara nòsta à...

En partit disputat aguest dissabte, era U.E. Bossòst artenhèc era victòria per 2 a 1 dauant er equip de MontespanFigarol. Eth partit siguèc dominat en tot moment pera U.E. Bossòst qu’ena prumèra part non podèc concretar cap ocasion entà marcar e aquerò que xutèc fòrça cornèrs ; tostemp era pilota ère en terren deth Montespan mès non podèrem marcar. Ena dusaua part, sonque començar, ena minuta 3 en ua bona jogada per banda, Pèir hèc un centro que Jon plaçaue entà laguens ena madeisha linea de gol. Tamb eth 1-0 seguic eth nòste domini. En ua jogada aislada er arbitre fiulèc ua queiguda ena nòsta àrea coma penalty. Eth jogador deth Montespan Watel marcaue er empat a 1. Non baishèrem es braci e atau 10 minutes mès tard Moha agarraue un xut des de dehòra der àrea e marcaue eth 2-1. D’aquiu enquiath finau patirem es xuts de dues faltes que Roger prumèr e dempús era nòsta defensa impedic que se botjèsse eth resultat. En resumen resultat just, més tostemp difícil guanhar aguest equip de Montes...

En partit atrassat contra eth F.C. Gourdan era U.E. Bossòst artenhèc era victoria per 3-1. Tamb aguesti 3 punts era U.E. Bossòst se place lider tamb 32 pts, es madeishi punts qu’eth St. Gaudens; per gol-average generau èm es prumèrs. Eth partit disputat en Miramont siguèc fòrça dur per part deth Gourdan qu’acabèc tamb 5 tarjetes auriòles e 1 vermelha ; per part nòsta sonque 1 tarjeta auriòla per contestar ua decision der arbitre. Ena prumèra part en minut 5, marcaue Pèir eth 1-0 en un polit còp de cap. Nosati portàuem era iniciatiua deth jòc, e Gourdan intentaue jogar ath contraatac. En minut 40 un bon còp de Liaño pasaue a prop deth garrot . Quan acabauem era prumèra part en ua jogada desafortunada dera nòsta defensa Roger hèc penalti que Ané marcaue entà empatar a 1. Ena dusaua part er equip gessèc entà sentenciar eth partit. Atau Liaño aprofitaue ua pilota que xutada per Pèir, eth portèr Alosi non podèc agarrar e marcaue eth 2-1. 5’ mès tard, en ua jogada fòrça polida, ath prumèr tò...

Era U.E. Bossòst patís aguest darrèr dissabte era dusaua derrota deth campionat. Dauant er equip deth SaliesMane non poguèc artènher un resultat positiu. Partit igualat desd’eth començament entre dus equips que sajauen d’imposar en sòn joc. Lèu dera minuta 25 en ua falta, Fuentes xutaue era pilota que Roger tocaue mès non podíe evitar eth 1-0. 5 minutes més tard en ua jogada entre Ruben e Adrian; aguest darrèr se plantaue dauant deth portèr Marrot que tocaue lèugerement era pilota entà cornèr e evitaue eth 1-1. En dues jogades que defensivament non èrem guaire acertadi eth SaliesMane ampliaue era diferéncia; prumèr Fuentes en un xut ras e dempús Dias en un xut desde dehòra der àrea plaçaue era pilota ena esquaira. Tamb eth resultat de 3-0 s’arrivaue ara mieja part. Ena dusaua part era U.E. Bossòst portaue era iniciativa deth jòc, mès en cap moment podèc desbordar era defensa contraria, ath delà, eth portèr Marrot auèc ua bona actuacion. En resumen derrota fòrça contundent, en un bon pa...

Ath finau, eth partit contra eth F.C. Gourdan se jogarà eth dissabte 16 d'hereuèr tàs 20:00 en Miramont. Eth plòplèu partit dera U.E. Bossòst serà eth dissabte 9 d'hereuèr tàs 20:00 que jogam en Salies du Salat contra eth SaliesMane.

Era U.E. Bossòst hèc ua auta exhibicion de gols e fotbòl; aguest viatge dauant dera sua aficion. Des d’un començament, eth fotbòl precís, tècnic e rapid deth nòste equip creaue fòrça problemes ar equip deth Villeneuve-Lecussan, atau as 5’ Adrian en ua clara ocasion xutèc per dessús deth garrot. Eth domini deth nòste jòc lèu auèc eth premi tàs 10’ Moha marcaue eth 1-0. Un viatge que se perforèc era porteria contraria ,cada jogada ère sensacion de que marcaríem més gols. Moha tamb 2 gols més e Adrian (2 gols) deishauen eth partit sentenciat ena mieja part, tamb eth resultat de 5-0. Ena dusaua part, sonque començar, en ua bona jogada Arrouy marcaue eth gol deth honor entà Villeneuve-Lecussan. Aguest gol e un xut ath garròt en ua falta de Das Nieves, héc qu´er equip li costèsse entrar en partit. Dempús de passar aguesti minutes iniciaus dolenti, Ruben en ua falta tanben xutèc en garròt. Eth madeish Ruben en dues ocasions ( ua de penalti), deishaue eth marcador en un contundent 7-1. Tamb ag...

Dempús de pasar peth "Comité de Litiges" e eth "Comité d'Appel", aguest darrèr a pres era decision de qu'eth partit que se suspenèc en sòn dia, se torne a jogar a 40 km de Bossòst, tamb 3 arbitres e 1 delegat qu' auran de pagar nosati. Tanben demane qu' era U.E. Bossòst a de presentar un plan entà reforçar era seguretat en camp abantes deth 8 de hereuèr. Ací demanam eth suport de toti es nòsti socis e aficionats, qu' animen ath sòn equip, e que respectent er equip contrari e as arbitres.

Victòria fòrça contundent dera U.E. Bossòst dauant deth darrèr classificat. En 15 minutes , eth partit sentenciat tamb 3 gols. Abantes d’arrivar ara mieja part encara se marcarien 2 gols mès. Ena dusaua part, 3 gols mès, acabauen tamb aguest espectacular marcador de 0-8. Eth golejador dera tarde siguèc Adrian que marquèc 4 gols, Pèir 2 gols, Ariel e Moha 1 gol cada un. Non pensauem artènher era victoria d’aguesta manèra tan clara; era vertat ei que mos trapèrem un equip fòrça canviat deth que joguèrem en prumèr torn. Era defensa contraria jamès podec tamb es nòsti atacants; sonque cau díder coma negatiu era lesion de Marc Cuny ena dusaua part en sòn jolh dera cama dreta en ua entrada per part deth jogador contrari Massarin que siguèc eth jogador que tamb dolentes manères, fòrça entrades a destemps, sajaue de provocar as nòsti jogadors, Ac finau siguèc expulsat per dues tarjets auriòles. Auem començat fòrça ben eth dusau torn. Er equip deth St. Gaudens continue prumèr ja que guanhèc et...

Victòria fòrça important en camp der Isle en Dodon. Era U.E. Bossòst auance enquiath dusau lòc dera clasificacion. Partit fòrça disputat pes dus equips. Terren de jòc un sinhau tendre. Tot eth partit siguèc sense un clar equip que portèsse eth jòc. Ena prumèra mietat, lèu dera minuta 20, en ua pilota que centrèc Adrian, Pèir driblèc ath defensa e tamb era sua cama “dolenta” era dreta xutaue e marcaue un polit gol. Er Isle en Dodon sagèc d’equilibrar eth marcador en tot aprofitar es fautes e cornèrs. Tamb eth 0-1 s’arribaue ara mieja part sense qu’es dus portèrs auessen d’intervier guaire. Ena dusaua part, er Isle en Dodon, des de sonque començar, sagèc d’igualar eth marcador. Ua rematada de cap de Cazenave, gesquie dehòra per poc; e un xut de Robin tanben anaue dehòra. I auta rematada deth madeish Robin ère parada fòrça ben per Juanmi. Era U.E. Bossòst sagèc enes contraatacs de marcar. Dues ocasions molt bones e clares per part de Jon e Adrian que rematèren per dessús deth garrot, quan...

Aguest dimenge 13 de gèr tàs 12:45, en camp deth dusau clasificat er equip deth Isle en Dodon, reprenem era competicion. Dempús des hèstes de Nadau, aguest prumèr partit ei fòrça important entà seguir enes prumères lòcs dera clasificacion. Era clasificacion ei: St. Gaudens 25, Isle en Dodon 22, U.E. Bossòst 20, Luchon 18. Nosati seguim tamb un partit de menos.