U.E.B.

Aguesti son es partits des 1/4 de finau dera Copa de Comminges. Encausse - Landorthe dia 10.01.10 tàs 14:30. Villeneuve Lecussan - Etoile de Cagire dia 09.01.10 tàs 20:00. Villeneuve de Riviere - MartresRoquefort dia 09.01.10 tàs 20:00. Pointis Inard - U.E. Bossòst dia 31.01.10 tàs 14:30.

Ath finau eth partit contra eth Luchon se jogarà eth 9 de gèr deth 2010 tàs 20:00.

Isle en Dodon 1 - U.E. Bossòst 0 Dempús de guanhar ath líder mos venguie un partit entà confirmar era nòsta recuperacion. Ath finau, derròta e atau non gessem des lòcs de baish dera classificacion. Partit contra er Isle en Dodon, un rivau directe ja qu’ ère a 1 punt de nosati abantes de començar eth partit. Ena prumèra mietat siguèrem es clars dominadors deth partit tamb ocasions entà daurir eth marcador, sustot ua d’Alex qu’eth portèr Galibert desvièc entà cornèr. Non poguèrem trèir arren de bon dera nòsta superioritat e s’arribaue ath descans tamb eth 0-0. Ena dusaua mietat eth partit s’igualèc , er Isle en Dodon joguèc milhor qu´ena prumèra mietat en que non auie shutat a porteria. Er Isle en Dodon auèc ua prumèra ocasion tamb un shut de Faure que toquèc eth garròt. Nosati responèrem tamb ua clara ocasion d’Alex que tot solet dauant deth portèr shutèc per naut dera porteria. Er unic gol deth partit se marquèc ena menuta 70, eth jogador Robin s’escapaue dera marca dera nòsta defensa ...

U.E. Bossòst 2 - St. Gaudens 1 Victòria important dera U.E. Bossòst dauant eth líder deth campionat. Partit fòrça ben jogat pes dus equips en qu'eth Bossòst portèc era iniciatiua deth joc. Atau en prumèra mietat auèrem ua bona ocasion per part d'Ignasi que tot solet dauant eth portèr Duret non podèc marcar. Eth St. Gaudens responèc tamb un shut de Marque en garròt. Auèrem bones ocasions enes fautes tirades per Jorge que estèren a prop de sorprene ath portèr Duret. Tamb eth 0-0 s'arrivaue ath descans. Ena dusaua mietat era U.E. Bossòst gessèc fòrça resolotiu, atau Ignasi as 2 minutes marcaue eth 1-0 dempús d'un bona passada d'Adrian R.. As 5 minutes més tard Adrian R. marcaue eth 2-0 en aprofitar un error de tota era defensa deth St. Gaudens e marcaue a porta hueda. Podèrem marcar un aute gol en ua bona jogada d'Ignasi, mès eth son shut anèc en garròt. Quedaue més de mieja ora entà acabar e eth St. Gaudens comencèc a jogar un sinhau milhor que nosati. Ena minuta...

U.E. Bossòst 4 - Puymaurin 0 Martres Tolosane 2 - Boulogne 1 Villeneuve Lecussan 2- Boussens 0 Villeneuve de Riviere 1 - Larboust 0 SaliesMane 1 - Encausse 2 Valentine 2 - Landorthe 4 Etoile Cagire 4 - St. Gaudens 3 Pointis Inard 0 - Cazeres 0 (penaltys 4-3)

U.E. Bossòst 4 – Es. Puymaurin 0 Fàcil victòria dera U.E. Bossòst aguest darrèr dissabte e que place ar equip aranés enes ¼ de finau dera Copa de Comminges. Eth protagonista deth partit siguèc eth fort aire que perjudiquèc as dus equips entà jogar a fotbòl. Partit dominat enes 90 menutes en qu’ena prumèra mietat ja quedaue sentenciat. Ath quart d’ora , un cop de cap de Miguel en un cornèr, marcaue eth 1-0. Ena minuta 30, Pèir en ua bona jogada colectiua marcaue eth 2-0. Eth madeish Pèir ena minuta 40, en un aute cop de cap marcaue eth 3-0, resultat damb que s’arribaue ath descans. Ena dusaua mietat, Ignasi ena minuta 70 marcaue eth 4-0. Un shut de Miguel tocaue en garròt. Ar arbitre l´ac reclamèren 2-3 penaltys clars per fautes laguens der àrea; ath finau deth partit diguèc que coma eth resultat ère de 4-0 non les auie fiulat. Incredible mès cèrt. Eth Puymaurin sonque arribèc ena nòsta porteria ath finau deth partit en un parelh de fautes ( inventades per arbitre) a toca der àrea, mes...

S.C. Valentine 3 - U.E. Bossòst 2 Era vertat ei que mos mereishíem trèir un milhor resultat, mès tot mo´n anèc ath reves. Partit igualat ath sòn començament en que non saberem aprofitar dus cornèrs en qu´era pilota se passejèc dauant dera porteria deth Valentine. Eth Valentine auèc ua bona ocasion en un shut de Carillo que Marcos desvièc entath cornèr. Lèu dera mieja ora de jòc, Pèir aprofitèc un malentes dera defensa e portèr deth Valentine entà marcar a pòrta ueda, ère eth 0-1. A compdar d’alavetz, eth Valentine enlordic eth jòc tamb eth permís der arbitre que non sancionèc es sues agresions. Quan s’acabaue era prumèra mietat, eth Valentine empataue eth partit peth miei deth sòn jogador Duthu. Tamb 1-1 s’arribaue ath descans. Sonque començar era dusaua mietat, eth Valentine artenhíe eth 2-1 en un cornèr que non defensèrem correctament e Fethi shutaue tot solet entà marcar. Auèrem talents e 5 menutes mès tard en un penalty a Ignasi, Felipe shutaue entà igualar eth marcador : 2-2. Qu...

U.E. Bossòst 5 – Montespan Figarol 0 Ja ère ora; a costat arténher era prumèra victòria e arribar tamb bon fotbòl e pluia de gols. Resultat contundent e que reflectís era diferéncia entre es dus equips. Sonque començar ja se vedec qu’eri anauem a cercar embarrar-se darrèr e a veir coma les anaue. As 10’ Sergio de fauta directa tamb era ajuda deth portèr, marcaue eth 1-0. Ère eth prumèr partit que per fin marcauem prumèr qu’eth contrari. Auèrem diverses ocasions entà ampliar eth marcador mès non se poguèren profitar. Ath descans 1-0 e eth nòste portèr Monchi un espectador mès deth partit. Ena dusaua mietat, sabíem que non mos podíem quedar tamb era victòria tant cuerta. Ignasi as 5 minutes dera represa marcaue un gran gol en un shut qu’entraue ena esquaira dera porteria deth Montespan. A compdar d’alavetz fòrca mès ocasions entà ampliar eth marcador. En ua jogada en que Adrian R. pressionèc ath defensa contrari s’emportéc era pilota e la passèc a Ignasi que tot solet marcaue eth 3-0. En...

Aguest ei eth sorteig des 1/8 de finau dera Copa de Comminges. Es partits s'han de jogar era dimenjada deth 28-29 de noveme. Partits: Valentine - Landorthe Et. du Cagire - St. Gaudens Martres Roquefort - Boulogne Villen.de Riviere - Larboust Villen. Lecussan - Boussens SaliesMane - Encausse Pointis Inard - Cazeres U.E. Bossòst - Puymaurin

Boussens 1 - U.E. Bossòst 1 Fòrça bon partit eth disputat aguest dissabte en Boussens entre dus equips que cerquèrent era victòria. Ena prumèra mietat domini der equip locau que se concretèc ena minuta 20, tanb un gol, en un shut d’ Alcayna en aprofita un mal despeje dera nòsta defensa. Aguest madeish jogador auèc eth 2-0, mès era gran arturada de Monchi evitèc eth gol. Era U.E. Bossòst sonque creèc perilh enes shuts desde luenh. Tanb 1-0 s’arrivaue ath descans. Ena dusaua mietat, as 5 minutes Adrian R. marcaue eth 1-1. Aguest gol e un milhor posicionament der equip ena dusaua mietat hèc qu’era U.E. Bossòst passese a dominar eth partit e auèsse ocasios entà marcar + gols. Atau un shut d’Igansi toquèc en garròt, iaute shut deth madeish jogador eth portèr desvièc entà cornèr. Ua ocasión fòrça clara en que Pèir prumèr e dempús Javi non podèren marcar eth gol. Monchi ena dusaua mietat sonque auèc d’arturar ua ocasión de perilh. Ath finau 1-1 en un bon partit, sense cap des dus equips cont...

U.E. Bossòst 1 – Cardeilhac 0 Partit dolent eth disputat aguest dissabte en Bossòst, fòrça duressa per part deth Cardeilhac e poc fotbòl pera nòsta part. Çò qu´ei mès important ei qu’auem passat ronda e èm enes 1/8 de finau dera Copa de Comminges. Siguerem superiors ens 90 minutes mès non concretèren eth nòste domini en ocasions de gol. Sonque ath finau dera prumèra mietat auèrem era jogada en qu’ Adrian R. a pase de Pèir marcaue eth 1-0. Ara seguida , Alex auèc eth gol enes sues botes mès eth sòn shut ère desviat entà cornèr peth portèr. Ena dusaua mietat, seguic era madeisha dinàmica dera prumèra mietat, fòrca domini dera U.E. Bossòst sense guaire ocasions de gol. Eth Cardeihac ena minuta 80 hèc er unic shut entà porteria en que Marcos s’auèc de despejar era pilota. Ena darrèra minuta auèrem eth 2-0 en un cop de cap de Jorge V. que toquèc eth garròt. Ath finau deth partit, er arbitre que non auèc ua bona actuacion sustot per permètre era duressa deth Cardeilhac s’encarèc tamb eth púb...

U.E. Bossòst 0 – Labarthe-Inard 1 Dusaua derròta consecutiva en campionat, aguesta en nòste camp. Partit en qu’era prumèra mietat non gesseren ben es causes ; enes prumères minutes dues bones ocasions: ua d’Ariel e ua auta mès clara de Sergio que tot solet dauant deth portèr, tirèc ath costat deth garròt. Eth Labarthe Inard se creiguèc que podie trèir bèra causa deth partit e comencèc a jogar un sinhau melhor que nosati. Ena minuta 30’ Felipe hège un penalty innecessari ath delanter Nahouda que Pailloux marcaue, non sense qu´abantes Monchi toquèsse laugerament era pilota, ère eth 0-1. S’arribaue ath descans sense cap mès oportunitat. Ena dusaua mietat, eth Labarthe Inard recolèc es sues linees, e sonque deishèc ath delanter Nahouda dauant; eth nòste portèr Monchi siguèc un espectador mès deth partit. Auèrem dues bones ocasions entà marcar, mès era pilota se passejèc dauant dera linea de gol, sense qu’arrès possèse era pilota entà laguens dera porteria. Non profitèrem tanpòc es fòrça fa...

Eth passat 12 d'octubre se realitzèc eth sorteig des 1/16 de finau dera Copa de Comminges. Es partits se jogaran era dimenjada deth 31 d'octubre e 1 de noveme. Dia 31 d'otubre tas 20:00 en Bossòst U.E. Bossòst - A.M.S. Cardeilhac Lodes. Partits + importants d'aguesta ronda: St. Gaudens- Montastruc, B.Luchon-SaliesMane, Isle en Dodon- Landorthe.

Encausse 2 – U.E. Bossòst 1 En prumèr desplaçament auem patit era prumèra derròta deth campionat. Ena prumèra mietat en qu’er equip non acabèc de trapar eth sòn joc, er Encausse daurie eth marcador lèu dera mieja ora de jòc en un desplaçament long que Germa se plaçaue tot solet dauant Monchi entà marcar de vaselina eth 1-0. Era U.E. Bossòst auèc poques oportunitats ena prumèra mietat entà igualar eth marcador. Tamb eth 1-0 s’arrivaue ath descans. Ena dusaua mietat, era U.E. Bossòst siguèc eth clar dominador deth partit e er equip qu’ auèc mès ocasions. Atau, ath quart d’ora empataue eth marcador tamb ua bona jogada d’Adrian R. que Pèir remataue tamb era sua cama “dolenta” (era dreta) a porteria, ère eth 1-1. Aguest madeish jogador auèc tres bones ocasions entà marcar eth 1-2 mès non podèc . Er Encausse, a manca de 20’ entath finau, se quedaue tamb 10 jogadors. Semblaue que se metie tot de cara entà nosati, mès en ua des poques arrivades dera dusaua mietat, en ua falta non despeguèrem...

U.E. Bossòst 2 – SaliesMane 2 Fòrça bon partit eth disputat aguest darrèr dissabte en Bossòst entre dus equips que des d’un començament cerquèren era victòria. Auèc era sort eth SaliesMane de profitar un error d’ua cesion ath nòste portèr e Hancoste marcaue eth 0-1. Era U.E. Bossòst marcaue eth gol der empat a lèu deth descans, un gran gol de Jorge R. que d’un shut des de dehòra der àrea , igualaue eth marcador. Ath descans 1-1. Ena dusaua mietat tornaue eth SaliesMane a auançà-se en marcador en ua bona jogada de contraatac que Sarradet marcaue eth 1-2. Era U.E. Bossòst luitèc enquiath finau e trapèc eth premi enes menutes finaus en un clar penalty a Ignasi que Felipe s’encuedaue de marcar eth 2-2, resultat ath finau deth partit. Prumèr partit deth campionat e sonque un empat; semble que non començam ben mès cau díder que mos enfrentèrem a un molt bon equip, fòrça ben plaçat en terren de jòc. Era U.E. Bossòst tostemp anèc darrèr en marcador e açò er equip ac notèc fòrça; de totes maner...

Derròta fòrça amargosa era que patic er equip aguest dissabte pera lesion important deth nòstre jogador Adrian Hernández ena menuta 46 de partit a lèu d’acabar era prumèra mietat. Un jogador que sonque pòrte dues sasons tamb nosati e que s’a implicat en equip ath màxim; d´alavetz le desiram lo melhor, fòrça ànims e ua molt bona recuperacion. Quant ath partit marcat per aguest incident ( eth partit estèc arturat + de 30 menutes) podem díder que non se notèc bric era diferéncia de dues categories entre es dus equips e a despiet des moltes baishes, era U.E. Bossòst ena prumèra mietat metèc en dificultats ath portèr deth Castelginest en 2-3 ocasions: en cambi, eth nòste portèr Marcos non auec de parar cap de shut. Ena dusaua mietat, degut a tot lo que passèc, er equip baishèc eth sòn rendiment e eth partit s’igualèc. Eth Castelginest auèc ua prumèra ocasion que Marcos arturèc. Nosati, un shut d’Ivan desviat per Ariel tocaue eth garròt. Eth Castelginest marcaue eth gol a 3 menutes deth fina...

Eth partit entre U.E. Bossòst - B. Luchon non poguèrem jogar pera plujar queijuda eth dissabte pera tarde en Bossòst e que deishèc eth terren de joc plen d'aigua. Eth plòplèu partit se jogue tamben en Bossòst, dissabte 19 de seteme 2ª ronda dera Copa de Midi contra eth Castelginest U.S., equip de Promotion de Honneur, dues categories + que nosati.

U.E. Bossòst 5 - CassagnabereLatoue 0 U.E. Bossòst: Marcos, Borja, Juanka, Marc, Felipe, Javi, Adrian H., Adrian R., Moha, Alex, Miguel. Remplaçants: Sergio, Jorge e Ignasi. Trainer: Miki CassaganbereLatoue: Bompunt, Montaut, Darnaud I, Shiavon, Darnaud II, Fabaron, Massain, Nocart, Massarin, Deoux, Mayet. Remplaçants: Shiavon, Decap, Moudens. Trainer: Vignes Philippe. Arbitre: Duprat Philippe. Gols: Moha, Marc, Sergio, Shiavon (p.p), Miguel (p.) Partit dominat en tota era sua totalitat pera U.E. Bossòst dauant un equip deth CassagnabereLatoue que ben pòc poguèc èr dauant eth nòste equip. S'auesèm marcat totes es ocasios de perilh eth resultat encara auese estat mès escandalos, de totes maneres un 5-0 da senhau de qu' en partit sonque iauèc un equip, era U.E. Bossòst. De totes maneres era prumèra mietat arribèc en descans tant 0-0, resultat injust mès acrò que parlauem deth fotbòl de saber aprofitar es ocasios ei pla important. Ena dusaua mietat anèren queiguent es gols un darr...

U.E. Bossòst 0 - St. Gaudens 3 U.E. Bossòst: Monchi, Eric, Jaime, Marc, Felipe, Liaño, Jorge, Adrian H. (70' Miguel), Ignasi (70' Ariel), Alex (55' Sergio) e Pèir. Tarjetes auriòles: Liaño (36'), Felipe (51') Trainer: Jordi. St. Gaudens: Fourquet, Leon, Aduat, Duchein F., Duchein J.C., Clemençon, Milan, Adoue, Sarrante, Vignes, Ottonello. Canvis: Marin, Lavigne, Dubois. Tarjetes auriòles: Duchein (36'), Milan (76'). Trainer: Duchein Jean Christophe. Arbitre: Castro Antoine Gols: Ottonelli (55'), Lavigne (80'), Vignes (88'). Partit corresponent ara 1ª eliminatoria dera Copa de França, dauant eth St. Gaudens. Ena prumèra mietat encara auentèrem eth ritme deth St. Gaudens e non iauèc guaire jogades de perilh ena nòsta porteria. Eth resultat ath descans siguèc de 0-0. Sonque començar era dusaua mietat Ottonelli as 5 minutes auançauer ath St. Gaudens ere eth 0-1. Eth equip tenguèc eth cop enquia as darreres minutes deth partit en que Lavigne ena minut...

Aguest plòplèu dissabte 29 d'agost començam era competicion oficiau dera sason 209-2010 tamb era disputa dera 1ª ronda dera Copa de França. Jogam en Bossost tàs 20:00 dauant eth prumèr equip deth St. Gaudens, equip que jogue en Division Honneur Regional, ei a dider 3 categories + que nosati. Demoram eth suport des nosti aficionats entà aguest partit dauant aguest bon equip.

Veterans U.E. Bossòst 6 - Veterans Val d'Aran 2 U.E. Bossòst 1 - St. Hilaire 1 Guanhador deth XX torfeig Memoraiu Manuel Huguet enes lançaments de penalty eth St. Hilaire.

Dissabte 15 d'agost 18:00 Veterans U.E. Bossòst - Veterans Val d'Aran 20:00 XX Trofeig Memoriau Manuel Huguet U.E. Bossòst - St. Hilaire F.C.

Aguest ei eth calendari dera Liga, començam eth dia 13 de seteme jogan en casa contra eth Bagneres de Luchon, ¡¡¡ quin començament + guai !!!. Aci as eth link tamb eth calendari ac complet: http://hgcomminges.fff.fr/competitions/php/club/club_calendrier_deta.php?sa_no=2009&cp_no=202073&ph_no=1&gp_no=1&cl_no=15783&eq_no=1

Enes aguestes pàgines webs, podetz vèir es fotos deth partit contra eth Lleida: http://peradelleida.com/ http://www.territorilleida.com/

U.E. Bossòst 2 – U.E. Lleida 4 U.E. Bossòst : Monchi, Jaime, Cuny, Felipe, J. Carlos, Liaño, Jorge, Adrian H., Alex, Ignasi e Pèir. Tanben joguèren ena dusaua mietat Marcos, Eduardo, Chapo, Borja, Ariel, Javi Iglesias, Sergio, Adrian R., Ruben e Andres. U.E. Lleida: Joel, Gabernet, Galiano, Pau, Dani Marin, Urrea, Becerra, Miki, Sellarés, Adrià e Figerola. Tanben joguèren ena dusaua mietat Borja, Bagué, Jaume, Imaz, Pla e Rejas. Arbitre: Rafael Navarro. Gols: 0–1 Sellarés (min 1), 0-2 Sellarés (min 2), 0-3 Adrià (min 25), 1-3 Pèir (min 44), 1-4 Imaz (min 67), 2-4 Jorge (p. min 89). Derròta fòrça digna dauant era U.E. Lleida ( equip de 2ª B ). Aquerò qu’eth partit comencèc fòrça mau ja que en dues jogades a pilota arturada Sellarès aprofitaue era sua estatura entà rematar de cap e arténher un 0-2 sonque enes prumèrs dues minutes. Era U.E. Bossòst non deishèc de lutar enes 90 minutes e ena primera mietat eth nòste portèr Monchi non auem d’arturar cap de shut. Lèu dera mieja ora en ua aut...

Per motius dera U.E. Lleida eth partit se jogarà eth dissabte. Partit dissabte 1 d'agost tàs 20:00 U.E. Bossòst - U.E. Lleida

Aué dimars 28 de junhsega arrive era U.E. Lleida entà Bossòst. Estarant en Aran enquia eth dimenge 2 d'agost en qu'acabarant eth sòn stage en tot jogar un partit contra era U.E. Bossòst. Partit de fotbòl: U.E. Bossòst - U.E. Lleida dimenge 2 d'agost entàs 18:30

Aguest diuendres 24 de junhsega tàs 20:30 en edifici Hont de Rüste de Bossòst, Asambea Generau de Socis. ¡¡¡ Te demoram !!!

Manque pòc entà arribar as 200 socis, ena darrèra sason èrem 193 socis. Pos hèr-te soci e atau ajudaràs ath tòn equip ena naua sason que començarà a finaus de junhsèga. Tad açò, cau dirigir-se entara Farmàcia de Bossòst e demanar per Miki Almansa.

Labarthe-Inard 1 – U.E. Bossòst 1 Empat en darrèr partit dera sason. Era U.E. Bossòst presentaue fòrça baishes entà aguest partit degut ara competicion des 30 ores de fotbòl-sala ena que participàuem fòrça jogadors der equip. Partit eth d´aguest dimenge tamb fòrça igualtat en que cap des dus equips s’imposèc clarament. Ena prumèra mietat, eth Labarthe-Inard marcaue eth sòn gol en un shut de Heuillet des de dehòra der àrea que dempús d’un mau bot entraue ena porteria de Pèir, portèr circunstancial e que hèc un bon partit. Tamb eth 1-0 s’arrivaue ath descans. Ena dusaua mietat, era U.E. Bossòst sajèc d’empatar eth partit e qu’artenhíe ena minuta 70 en un gran shut de Miguel des de dehòra der àrea. A punt èrem de marcar un aute gol en un bon shut d’Adrian H. que passèc tocant eth garròt entà dehòra dera portería. Ena darrèra menuta reclamèren un clar penalty a Ariel. Fin finau ara sason: Aurignac ei eth campeon e era U.E. Bossòst ena posicion 5ª. Baishen de categoria eth Gourdan e Martres...

Partit contra eth Gourdan, equip darrèr classificat deth nòste campionat. Victòria fàcil contra aguest equip que practicament non shutèc ena nòsta porteria. Ena prumèra mietat es nostes ocasions non se poguèrem materialitzar tamb cap de gol, mès ja se veiguia que se marcauem eth prumèr anauem a marcar fòrça mès. Açò non passèc enquia era dusaua mietat en que sonque començar Moha, d’un bon shut marcaue eth 1-0. En un clar penalty a Adrian H. marcauem eth 2-0 en transformar Polilla era pena màxima. Eth 3-0 lo marquèc Moha en aprofiat un rebot de portèr a shut de Pèir e marcar a porta bueda. Eth 4-0 siguèc eth gol mè polit, en marcar Ariel, en un bon centre de Pèir. Tamb aguest resultat eth Gourdan baishe de categoria ara 1ª division. Sonque faute ua jornada entà acabar, encara faute decidir eth campeon e er equip qu’acompanhe ath Gourdan entara 1ª division. Era classificacion ena part nauta ei: Aurignac 62, Salies 60, Luchon 59, Bossòst 54. Ena part baisha Labarthe-Inard 42, Martres-Tolo...

Victòria contundent era qu’artenhèc er equip dera U.E. Bossòst aguest darrèr dissabte. Er equip joguèc fòrça ben pendent es 90 menutes e siguèc fòrça superior ath Boussens. Er equip trabalhèc tamb ua bona actitut e lauèrem era imatge deth darrèr partit. Ena prumèra mietat, ena menuta 15, un gran shut d’Adrian H. en qu’era pilota anèc en garròt e eth rebot siguèc metut entà laguens dera porteria per Ivan; ère eth 0-1. Lèu deth descans, eth Boussens mos empataue en ua jogada personau de Pique. Tamb eth 1-1 s’arribaue ath descans. Ena dusaua mietat, er equip continuèc en tot dominar eth jòc sense guaire perilh ena nòsta porteria defenuda molt ben per Marcos. Ena menuta 60, Moha marcaue un polit gol dempús de hèr un bon control tamb eth pit e ua vaselina ath portèr Comas. Ère eth 1-2. Ena menuta 70, Ariel aprofitaue un centre-shut d’Alex entà méter era pilota laguens dera porteria deth Boussens; ère eth 1-3. Un shinhau mès tard se lesionèc eth portèr deth Boussens Comas ena cueisha dreta. ...

Derròta contundent en un partit qu’en sòn començament non pintaue cap mau. Ena pumèra mieja ora ja auíem arribat tres viatges tara portería contraria tamb dus molt bones ocasions de Moha que dauant de Furton shutèc contra eth sòn cos; en ua auta ocasion, eth shut d’Alex anèc tath garròt. Enes minutes 35 e 36 Isle en Dodon marquèc dus gols ara seguida, ère eth prumèr viatge que caushigaue era nòsta àrea. Mon n´anàuem tath descans tamb 2-0 en contra, un resultat que mos pesèc coma ua losa. Ena dusaua mietat tanben en dues minutes encaishàuem dus gols mès. Ère un resultat massa contundent eth qu’encaishaue er equip peth jòc que se veiguie en camp, pot èster qu’ena dusaua mietat se trapèssen pitjor fisicament e tanben tamb ua actitud non guaire bona. Ath finau , marquèrem de penalty transformat per Felipe e eri, per miei de Robin eth sòn milhor jogador, marcauen eth definitiu 5-1. Ei vertat qu’auíem fòrça baishes mès cau milhorar era nòsta actitud, non mos cau baishar es braçi tamb tanta f...

Aguest plòplèu dimèrcles 13 de mai se dispute era finau dera Copa deth Rei entre eth F.C. Barcelona e er Athlètic Club de Bilbao en camp de Mestalha en Valencia. Era retransmision per television en TV3, per prumèr viatge ena Val d'Aran, serà en aranès. Era retransmision serà a carrèc de: era periodista aranesa Silvia Puertolas. eth trainer dera U.E. Bossòst Jordi Delaurens.

Partit dolent eth jogat aguest dissabte en Bossòst dauant un equip de Montespan que sonque venguèc entà Bossòst a jogar ara patacada sense cap intencion de hèr bon joc. Eth partit siguèc tostemp fauta de ritme tamb interrupcions de contunh. A despiet d’açò , era U.E. Bossòst auèc ua bona ocasion de Pèir entà daurir eth marcador : eth son xut passèc a toca deth garròt. Ena darrèra jogada dera prumèra mietat i auèc un clar penalty a Ignasi qu’er arbitre non fiulèc e acabèc en tangana damb era expulsion de dus jogadors, un de cada equipa. Ena dusaua mietat continuèc era nòsta proposta d’anar a guanhar eth partit e eri sonque aluenhar era pilota lo mès luenh dera sua porteria. Auèrem ua molt bona ocasion tamb un xut d’Ariel ena creueta dera porteria. Lèu deth minut 80, Ruben profitaue un refus dera defensa entà xutar des de dehòra der àrea e marcar eth 1-0. 5 menutes mès tard Moha, en jogada personau , marcaue eth definitiu 2-0 , resultat finau deth partit. Èm a quate jornades deth finau, ...

Partit vibrant eth jogat aguest dissabte en Luchon dauant er equip locau. Era U.E. Bossòst non mereishíe pèrder aguest partit ; auèc fòrça ocasions entà trèir un resultat milhor. Xutèc enquià tres viatges enes garròts e portèc era iniciatiua deth jòc enes 90 menutes. Eth Luchon jugaue ara contra entà profitar era velocitat des sòns delanters. Cau díder qu’eth Luchon s’empleèc ath màxim en tot hèr fòrça fautes, sustot a Pèir qu’acabèc eth partit tamb es cauilhars tocadi. Es gols: ena menuta 12, Ignasi remataue de cap ara esquaira e marcaue eth 0-1. Barta C. profitaue un bon pase de Davy entà igualar eth marcador a 1 gol. Ena menuta 60, Cayrey marcaue de cap eth definitiu 2-1. En resum, partit típic de derbi, fòrça dur e tamb polemica e tamb dus equips que se coneishen fòrça; ei un domatge que portam dus ans en tot hèr qu´es partits en terren de Luchon s’an tornat fòrça mès durs e tamb inclús fòrça violéncia enes entrades des sòns jogadors. Aguesta dimenjada deth pont deth 1 de mai non j...

Golejada dera sason era artenhuda aguest darrèr dissabte en Bossòst contra er equip deth Landorthe. Pendent es 90 minutes sonque i auèc un equip que dominèc eth partit, siguèc era U.E. Bossòst que joguèc un molt bon partit e s’imposèc clarament ar equip contrari. Ena prumèra mietat, eth partit quedèc sentenciat : gol de Moha en rematar de cap un cornèr, un aute de Pèir en plaçar suaument era pilota per dessús deth portèr contrari e eth tresau d’Ariel en tot rematar un bon centre de Liaño. Ath delà, un gran xut de J. Carlos toquèc ena esquaira dera porteria. Ena dusaua mietat continuèc eth nòste domini e marquèrem dus gols mès: Ariel marcaue en aprofitar ua pilota en àrea e Pèir, en jugada individuau , marcaue eth definitiu 5 a 0. Eth Landorthe sonque auèc ua ocasion ath finau deth partit qu’eth nòste portèr Marcos desvièc era pilota a cornèr. En resum, victòria comoda, fòrça bon partit pera nòsta part, tamb pluia de gols. Era classificacion ena part nauta ei: Aurignac 53, Boussens 45, ...

Dempús de dues semanes, tornam a jogar. Partit en Bossòst, dissabte 18 d'abriu tàs 20:00 contra eth Landorthe; aguest equip a guanhat es sòs darrèrs partits enes desplaçaments a Isle en Dodon e Luchon.

Enes partits disputats ena 1/2 finau es resultats siguèrent: Cazaril F.C. 0 - Encausse 1 Villeneuve de Riviere 0 - SaliesMane 2 Era final serà eth 21 de junh entre es equips: Encausse-SaliesMane

Aguesta dimenjada se joguent es partits dera 1/2 finau dera Copa de Comminges. Ei domatge, non auem pogut estar. Es partits sòn: dissabte 04.04.09 en St. Martory Cazaril F.C. - Encausse dimenge 05.04.09 en Cazaril Villeneuve de Riviere - SaliesMane

Partit eth d’aguest dissabte ,d’alternatives en marcador e qu’ath finau acabèc en empat. Sabíem qu’eth líder ère un rivau difícil més jogant en casa auíem de jogar ath màxim, qu’ei lo qu’er equip a hèt. Començèrem tamb domini e en tot auer bèra ocasion entà poder daurir eth marcador mès eth portèr d’Aurignac, Laborie desvièc es xuts d’Adrian H. e Pèir. Er Aurignac sense auer arribat ara porteria se trapèc tamb eth 0-1 en ua jogada de falta en qu´era pilota quedèc as pès de Zunnui e marcaue fàcil eth gol. Tamb 0-1 mo´n anàuem ath descans. Ena dusaua mietat, era U.E. Bossòst siguèc fòrça superior e embarrèc ath Aurignac ena sua àrea, atau en un centre de Pèir era pilota ère introduida involuntariament per Arnoud ena sua porteria. Ère eth 1-1 e quedaue molt de partit. 5’ mès tard en un centre de Jorge, Felipe de cap marcaue eth 2-1. Sonque en 15’ auíem dat eth torn ath marcador. Er equip insistie en sòn domini mès es xuts de Moha e Ignasi anàuen entà dehòra o enes mans deth portèr. A 7’ d...

Partit de ¼ de finau dera Copa de Comminges ; en un partit de pòga qualitat e sense oportunitats era U.E. Bossòst ei eliminada dera Copa. Er únic gol deth partit se marquèc ena minuta 3 de partit, quan en un cornèr eth jogador Saint Raymond, tocaue eth balon, que dempús desviat per Marc entraue ena nòsta porteria. Ere eth 1-0 e arrès mos imaginauen que serie eth resultat finau. D’aquieu enquia eth final domini dera U.E. Bossòst sense guaire oportunitats de gol, era defensa deth Cazaril tostemp s’imposèc ara nòsta delantera. Ena prumèra mietat sonque un xut de Pèir que Louge parèc sense cap problema. Ena dusaua mietat, ua bona ocasión de Felipe mès en sòn xut passèc a un dit deth garròt. A 5 minutes deth finau auèrem era ocasión d’empatar en ua bona jogada d’Adrian R., que driblèc a 3 jogadors, e eth sòn centre non podèc ester rematat per Felipe a prop dera porteria, era pilota gessèc entà cornèr. Ath finau 1-0, fòrça decepcion en equip e ena aficion que se desplacèc en gran nombre enqu...

Fòrça bon partit de fotbòl des dus equips eth jogat aguest darrèr dissabte en Bossòst. Es dus equips joguèrem fòrça ben era pilota. Eth partit començèc tamb ua bona ocasion de Pèir, que tot solet dauant deth portèr xutèc dehòra. Er Encausse responèc tamb ua bona ocasion deth sòn milhor jogador Paya S. mès Monchi desvièc a cornèr. Ena minuta 25 Ariel marcaue eth 1-0 dempús d’aprofitar un error defensiu dera defensa e portèr der Encausse. Era joia durèc poc, 5 minutes mès tard, Paya S. aprofitaue ua fauta xutada rápidament entà plantà-se dauant Monchi e marcar eth 1-1. Ena minuta 40, Adrian R. marcaue en ua polida jogada, dempús d’un canvi de jòc de Liaño e aprofitar era sua velocitat, driblant ath portèr, ère eth 2-1, resultat en que s’arrivaue ath descans. Ena dusaua part continuèc eth bon jòc des dus equips, era U.E. Bossòst, chutèc enquia tres viatges enes garròts, xuts d’Ariel, Javi Iglesias e Alex ; en xut d’aguest darrèr, Adrian R. aprofitaue eth rebot entà marcar eth 3-1. Encauss...

Partit de Copa, que joguèrem ath finau en Landorthe ;terren de jòc fòrça dolent que dificultèc ath nòste equip, fòrça millor tècnicament. Era prumèra mietat siguèc fòrça igualada, eth Landorthe sajaue d’aprofitar es contraatacs entà apropà-se ara nòsta porteria. Sonque a pilota parada xutèrent a porteria. Era U.E. Bossòst auèc ua clara ocasion en un cop de cap d’Ariel qu’anèc dehòra per molt poc. Ena dusaua mietat marquèrem eth gol as 5 menutes, en ua bona jogada d’Adrian H. que centrèc e Ignasi desmarcat en dusau garròt remataue de cap th 0-1, resultat qu’ath finau serie eth definitu. Poguèrem sentenciar eth partit quan en ua fauta deth portèr Lacaze a Pèir, er arbitre fiulèc penalty. Felipe s’encarguèc de xutar mès Lacaze parèc en sòn xut en tot hèr desviar era pilota a cornèr. Eth Landorthe a compdar d’alavetz se tornèc mès agressiu e eth partit se le compliquèc fòrça ara U.E. Bossòst. Prumèr, era expulsion de Polilla, expulsat tamb eth jogador deth Landorthe Guers, e dempús tamb er...

Partit en que comencèrem fòrça ben, tocant era pilota e jogant en sòn terren e ath delà, tamb ocasions entà daurir eth marcador que non poguèrem concretar. Atau un remat d’Ignasi le treiguèc un jogador deth Salies dera línea de gol e lo madeish li passèc a Ariel que xutaue a prop dera porteria mès non podie marcar. En ua auta jogada, eth portèr Marrot se l¡ escapèc era pilota e Ignasi estaue a punt de marcar. Eth Salies sajaue de jogar ath contraatac entà poder aprofitar era velocitat des sòns delanters. Ena minuta 35, en ua falta lateral, eth Salies per miei de Catarino e dempús d’ua jogada fòrça embolicada artenhíe eth 1-0. Era U.E. Bossòst sagèc d’igualar eth partit abantes deth descans. Un grant xut d’Adrian H. de dehòra der àrea anèc entàth garròt. Ataue acabaue era prumèra part tamb resultat injust ja qu’er equip qu’auie agut més ocasions e jogat melhor auie estat era U.E. Bossòst. Era dusaua mietat estèc fòrça mès igualada. Era U.E. Bossòst gesquèc entà empatar eth partit. Ena m...

Iaute partit suspenut; auem eth terren de jòc plen de nhèu. Era federacion a deishat es dimenjades deth 14-15, 21-22,28-29 deth mes de març entà recuperar es partits pendents. Nosati tamb aguest auem dos partits de Liga (es dus partits en casa dauant eth Aurignac e Encausse) e quede pendent es 1/8 de Finau dera Copa de Comminges contra eth Landorthe que se jogarà eth dimenge 8 de març tàs 15:00 en Landorthe. Eth pròplèu partit ei eth dissabte 28 d'hereuèr en Salies du Salat contra eth SaliesMane.

Per tresau viatge eth partit de Copa de Comminges contra eth Landorthe a estat suspenut.

Per dusau viatge aguest partit des 1/8 de finau dera Copa de Comminges s'ha suspenut degut as dolentes condicions deth terren de jòc.

Partit qu’ena prumèra mietat estèc totaument controlat pera U.E. Bossòst ena qu’eth Martres Tolosane pràcticament non caushiguèc era nòsta àrea. Mos adelantàuem en marcador gràcies a un gran xut d’ Adrian H. des de dehòra der àrea; ère eth 0-1. Ues menutes més tard, Moha d’un gran xut marcaue pera esquaira eth 0-2, tamb aguest resultat s’arribaue ath descans. Ena dusaua mietat tot s’acelerèc. As 5 menutes, eth Martres marcaue eth 1-2, en un cop de cap de Loze. A compdar d’aquieu eth partit se tornèc fòrça dur, tamb entrades desmesurades qu’er arbitre sancionèc tamb 4 tarjetes auriòles e 2 vermelhes entath Martres e 4 auriòles e 1 vermelha entath Bossòst. Quant ath partit, auèrem era sort d’ampliar eth resultat e Jaime marcaue eth 1-3. En ua badada defensiua eth Martres tornaue a marcar ; ère Quantin qui marcaue eth 2-3. Encara quedaue 15 menutes de partit. Nosati, podèrem profitar ua badada dera sua defensa entà qu’Ignasi tot solet dauant eth portèr Firmino marcaue eth 2-4 que semblaue...

S'ha suspenut tota era jornada d'aguesta dimenjada (24 -25 de gèr) per alerta de fòrça mau temps. En lo que portant d'an s'ha suspenut 2 partits, eth dera eliminatoria de 1/8 de finau dera Copa de Comminges qu'auiem de jogar en Estancarbon dauant eth Landorthe e eth d'aguest dissabte de Liga dauant er Aurignac.

Derròta contundent en darrèr partit deth prumèr tour. Non mos demoràuem pèrder per tanti gols, mès atau a estat. Partit fòrça controlat ena prumèra mietat tamb iniciatiua de nosati, mès non acertèrem a marcar enes ocasions qu’auèrem. Eth Gourdan sonque un xut de luenh que Monchi desvièc entà cornèr. Ena minuta 35 en ua falta inexistent, eth Gourdan marcaue un gran gol. Ère eth 1-0 e atau s’arribaue ath descans. Ena dusaua mietat, er equip gessèc tamb fòrça talents d’igualar eth marcador, mès eth portèr locau Alosi estèc fòrça acertat enes sues intervencions: siguèc un des destacadi deth sòn equip. En un greu error defensiu dera U.E. Bossòst, eth Gourdan marcaue eth 2-0. En compdes de reduir eth marcador, aguest s’ampliaue. Passèrem a ua defensa tamb sonque 3 jogadors e açò siguèc era nòsta perdicion. En un aute greu error dera nòsta defensa, Gourdan marcaue eth 3-0 e ues minutes mès tard en ua contra eth Gourdan marcaue un aute gol: ère eth 4-0. A manca de 5 minutes entàth finau, J.Car...

Aguest dissabte 17 de gèr en Gourdan tàs 20:00 dauant er equip locau, jogam eth darrèr partit deth prumèr tour.

Eth Districte de Comminges a suspenut era jornada d’aguesta dimenjada (10, 11 de gèr) per mau temps.

Prumèr partit der an e prumèra victòria. Atau se comence fòrça ben era tornada ara competicion dempús de sonque descansar ua dimenjada. Partit disputat tamb fòrça heiret, en ues condicions dolentes deth terren de joc. Era U.E. Bossòst dominèc e portèc era iniciatiua deth jòc tot eth partit. Ena prumèra mietat bones ocasions tamb xut de Viló qu’ anèc dehòra. En ua falta xutada per Jorge, Galibert eth portèr der Isle desvièc entà cornèr. A despièth deth nòste domini s’arrivaue tamb 0-0 ath descans. Ena dusaua mietat, as 5 minutes bon remat de cap de Felipe, e era pilota tocaue en garròt. Un sinhau mès tard eth cop de cap de Jorge anaue laguens dera porteria de Galibert. Ère eth 1-0 e auÍem hèt lo mès difícil. Atau, ena minuta 60 Adrian R. marcaue eth 2-0. Eth partit ère sentenciat, mès era U.E. Bossòst cercaue encara eth gol ; en ua jogada Ariel provoquèc un penalty que Jorge s’encarreguèc de transformar ; ère eth 3-0. Ena darrèra minuta Robin dauant de Monchi xutèc era pilota dehòra ena...