U.E.B.

dia 07 de gèr deth 2012 tas 20:00 en Boussan E.F.C. Aurignac - U.E. Bossòst

U.S. Cazères 6 - U.E. Bossòst 3 Dusaua derròta contundent era que patírem aguest darrèr dissabte en Cazères. A diferéncia deth partit dera broma mos trapèrem un milhor equip reforçat damb jogadors des equips superiors. De totes manères, era U.E. Bossòst non joguèc bric ben donques era sua actitud defensiua non siguèc bona. Eth Cazères s’adelantaue as 5 menutes en recuélher un rebot deth garròt: Lazare marcaue eth 1-0. Ara mieja ora de jòc, artenhíem er empat quan Miguel marcaue en un shut sus era gessuda deth portèr. Quan semblaue que damb eth 1-1 s’arribarie ath descans, Fonbonne profitaue un error e shutaue ras ena porteria de Marcos. Ère eth 2-1. Sonque començar era dusuau mietat, eth Cazères marcaue dus gols ara seguida que deishaue eth partit sentenciat: Lejeune en un gran shut pera esquaira e Sejrady en profitar ua jogada embolicada en àrea aranesa deishàuen eth marcador en 4-1. Encara eth Cazères hèc mès gran era diferéncia damb un cincau gol. Ara fin, s’alternèren es dus equips...

F.C. Mabroc 5 - U.E. Bossòst 1 Fòrta golejada era que patirem eth diuendres darrèr en Boussens contra er equip deth Mabroc. Sonque començar, as 5 menutes, ja perdíem per 2-0 e açò en un equip damb fòrça baishes mos hèc mau. As 20 menutes eth Mabroc encara hège mès grana era diferéncia en profitar un error defensiu. Ère eth 3-0. A manca de 5 menutes entath descans ,León en shutar ua fauta laterau plaçaue era pilota ena esquaira francesa. Ère eth 3-1, resultat damb eth que s’arribaue ath descans. Ena dusaua mietat ath començament, auèrem ua clara ocasion entà marcar eth 3-2 que mos auèsse metut eth partit, mès Madrid tot solet dauant deth portèr Bouron shutaue ath costat deth garrot. Deth possible 3-2, passèrem ath 5-1; ei a díder , passèc coma ena prumèra mietat donques en 4 menutes mos marquèren 2 gols marcadi per Busca; eth prumèr d’ ua bona jogada e eth dusau d’ un error defensiu. D’aquiu enquiath finau auec ua ocasion cada equip: eth Mabroc en un shut de Saliba toquèc eth garròt der...

U.E. Bossòst 0 – Villeneuve de Rivière 1 Mau partit eth jogat aguest darrèr dissabte en Bossòst. Era U.E. Bossòst a despiet de portar era iniciatiua deth jòc, jamès inquietèc ara porteria francesa. Molt pòques ocasions de gol entàs dus equips. Eth Villeneuve de Rivière joguèc damb un plantejament fòrça defensiu que dificultèc fòrça es atacs des delantèrs aranesi. Sonque en cornèrs e fautes lateraus se podèc cauishigar damb cert perilh er àrea contraria. Tamb eth 0-0 s’arribaue ath descans. Ena dusaua mietat mès de lo madeish. Eth Villeneuve de Rivière artenhèc er unic gol deth partit en ua badada defensiua nòsta, Dessant s’anticipaue ara gessuda de Marcos entà marcar de cap eth 0-1. Ère era menuta 60’: encara quedaue fòrça temps enquiath finau, mès era U.E. Bossòst non podèc empatar un partit qu´ acabèc damb 10 jogadors pera expulsion de Javi. Tanben patirem ath començament dera dusaua mietat pera herida d’Ignasi en un jolh; demoram que non sigue guaire greu e pogue jogar lèu tamb nosa...

Partit suspenut pera broma eth disputat aguest darrèr dissabte en Cazeres. Eth partit se comencèc a jogar e ena prumèra mietat eth Cazeres s'auencèc en marcador as 5 menutes en aprofitat ua badada dera nòsta defensa e Lejeune marcaue eth 1-0. Era U.E. Bossòst emapatèc eth partit en ua passada de Liaño que Pèir aprofitèc entà shutar ara esquerra deth portèr francés. Auèrem fòrça oportunitats entà marcar + gols, atau 2 rematades de cap d'Ignasi passèrent a tocar deth garròt. Un shut de Pèir siguèc desviat entà cornèr peth portèr Claverie. Un shut de Miguel tamben anaue dehòra per molt poc. Eth Cazeres tornèc aué ua bona oportunitat en ua ramatada de Pugibet. Tamb eth 1-1 s'arribaue ath descans. Er arbitre decidic non començar era dusaua mietat pes problemes de visibilitat pera broma. Aguest partit seguraments s'aurà de jogar tot sencer un aute viatge; demoraram era decision deth Districte de Comminges. Eth plòplèu partit serà eth dissabte 3 de deseme en Bossòst tas 20:00 ...

U.E. Bossòst 0 – Encausse 0 Bon partit eth d’aguest darrèr dissabte en Bossòst entre dus equips que cerquèren era victòria pendent tot eth partit. Era prumèra part siguec mès parièra. Era U.E. Bossòst portèc era iniciatiua deth jòc e er Encausse sajaue de jogar ràpid en contraatac entà suspréner ara defensa aranesa. Era U.E. Bossòst auèc era milhor ocasion en un shut de Àlex que treiguèc un defensa e era pilota anèc entà Pèir e eth sòn shut siguèc despejat pera defensa francesa. Er Encausse responèc damb ua bona ocasion de Paya que dauant de Marcos shutèc entà dehora dera porteria.Tamb eth 0-0 s’arribaue ath descans. Era dusaua mietat dominèc mès er equip aranés e er Encausse non cauishiguèc era nosta àrea. Era U.E. Bossòst auèc ena dusaua mietat 2-3 bones ocasions entà marcar: Ignasi auie era milhor ocasion mès eth sòn shut ac treiguèc un defensa quan ja anaue a entrar; en aguesta jogada reclamèrem penalty pr’amor qu’eth portèr der Encausse derribèc a Ignasi dempús de shutar e empedir...

U.E. Bossòst 3 – Ent. Landorthe 1 Non siguèc bric fàcil era classificacion entas 1/8 de finau. Eth Landorthe dempús de patir era golejada en partit de liga, venguèc tamb ua auta actitud de disputar totes es pilotes e méter es causes dificiles enquiara menuta 80’. En partit, portèc era iniciatiua era U.E. Bossòst, eth Landorthe sajaue de conectar tamb eth sòn delantèr Armengaud entà cercar era porteria aranesa. Atau, as 5 menutes, ua passada d’Armengaud siguèc rematada per Villani e eth sòn shut anaue per molt pòc entà dehòra. Era U.E. Bossòst ena menuta 20’ artenhíe eth 1-0 en ua jogada d’ Ignasi que shutaue crotzat sus era gessuda deth portèr Lacaze. Quan semblaue que s’arribarie ath descans tamb avantatge aranesa, farrat d’aigua heireda, ronques Villani en posicion dubtosa asistíe a Armengaud e aguest marcaue eth 1-1. Tamb aguest resultat s’arribaue ath descans. Ena dusaua mietat sonque començar eth Landorthe auèc ua oportunitat en trèir ua fauta Villani e Marcos auèc de desviar era ...

Ara fin, degut ara jornada de fotbòl sala de dissabte, organitzada per UNAF en Palai d'sports de Vielha que compdarà damb es equips més representatius deth Districte de Comminges eth partit de Copa de Comminges entre es equips de U.E. Bossòst - Ent. Landorthe se jogarà dimenge 13 de noveme tas 14:30 en Bossòst. Era jornada de fotbòl sala de dissabte serà a compda des 9 deth maitin enquia es 18h e tamben participaran es equips aranesi dera U.E. Bossòst e eth Marimanha.

B. Luchon 3 – U.E. Bossòst 2 Prumèra derròta deth campionat era que patic er equip aguest darrèr dissabte en Luchon. Partit jogat damb ua fòrta ploja e damb un terren de jòc que artenhèc tier molt ben es condicions metereologiques. Partit igualat ena prumèra mietat ena qu’eth Luchon dauric eth marcador en profitar ua fauta tecnica per protestar dera defensa aranesa e que Sales s’encarguèc de plaçar ena esquaira dera porteria de Marcos: 1-0 minut 8’ de partit. Era U.E. Bossòst podec empatar en un lançament de fauta d’Alex que tocaue eth garròt dera porteria francesa. Ena menuta 15’ , un shut de luenh de Sales susprenie a Marcos e marcaue eth 2-0. Era U.E. Bossòst cambièc eth sòn sistema de jòc en tot jogar eth 3-4-3 e passèc a dominar eth partit ; atau donques, eth Luchon sonque sajaue de defensà-se en ordre e jogar pilotes longues ath sòn milhor jogador : Sales. En ua bona jogada de Mutu ,eth sòn shut siguèc desviat entath cornèr peth portèr Cazes. Tamb eth 2-0 s’arribaue ath descans. ...

Eth sorteig 1/16 de finau dera Copa de Comminges: U.E. Bossòst - Ent. Landorthe Era dimenjada deth 12-13 de noveme en Bossòst.

U.E. Bossòst 0 – Montastruc de Salies F.C. 0 Partit vibrant e fòrça disputat eth d’aguest dissabte en Bossòst en qu’er era U.E. Bossòst shutèc enquia tres viatges enes garròts dera porteria francesa. En ua prumèra mietat dominada per equip aranés, Pipe auèc era prumèra ocasion dempús d’ un lançament de cornèr en qu’era pilota le venguèc entàs sòns pès e eth son shut siguèc desviat peth portèr a cornèr. Eth portèr deth Montastruc siguèc eth protagonista ath desviar dus lançaments de fauta shutadi per Àlex. Ara mieja ora de jòc, era milhor ocasion tara U.E. Bossòst venguec quan Ignasi shutaue ras en garròt dera porteria francesa. Ena menuta 40´ ,era soleta ocasion deth Montastruc dera prumèra part venguec en un lançament de fauta qu’eth portèr aranés Marcos desvièc ath cornèr. Tamb 0-0 s’arribaue ath descans. Sonque començar era dusaua mietat, bona ocasion deth Montastruc en que Lacarrere shutaue as mans de Marcos. Era U.E. Bossòst auec ua bona ocasion en un lançament d’ Àlex que s´encue...

U.S. SaliesMane 1 - U.E. Bossòst 1 Partit fòrça disputat aguest darrèr dissabte en Salies du Salat, dauant eth conjunt locau deth SaliesMane. Es dus equips cercàuen impossar eth sòn jòc. Eth SaliesMane auec ua bona oportunitat en jogada deth sòn jogador Cep que Marcos desviaue a cornèr. Er equip aranés se podia auer auançat en marcador quan Pèir se plantèc dauant eth portèr e eth sòn shut ère desviat peth portér Marrot. En dues arribades de Pèir e Ignasi, non poguèrem trèir cap de profit en marcador. Tamb eth 0-0- s’arribaue ath descans. Ena dusaua mietat, eth SaliesMane enes prumères menutes ei quan mès cauishiguèc er àrea aranesa. Mès era milhor ocasion l’auie era U.E. Bossòst quan Miguel dauant deth portèr francés, shutaue e aguest desviaue era pilota entà cornèr. Ena menuta 65’ ,eth SaliesMane artenhíe eth 1-0 en ua rematada de Roca. Era U.E. Bossòst pelejèc per igualar eth marcador; era igualada se produic ena menuta 80´ quan un centre de Pèir ère rematat per Pipe ena esquaira der...

Cromprar era Loteria de Nadau dera U.E. Bossòst damb eth número 08239 e ajuda ath tòn equip.

U.E. Bossòst 8 – Ent. Landorthe 1 Mambo de gols en un partit plàcit entara U.E. Bossòst. Partit dominat completament. As 5 menutes, Alex d’un lançament de fauta pera esquaira marcaue eth 1-0. Ara seguida, Ignasi profitaue un shut de Javi qu’eth porter desvièc e tocaue eth garròt e dauant dera pasivitat dera defensa francesa marcaue eth 2-0. Ena menuta 15 Pèir en un bona jogada acabaue damb un shut ena esquaira deth portèr Sanmartino: ère eth 3-0. Ara mieja ora de jòc Miguel marcaue eth 4-0. Ena menuta 35 Soubiran siguèc expulsat per ua dura entrada a Ignasi, vermelha directa. Tamb 4-0 s’ arribaue ath descans. Ena dusaua mietat, er equip aranés non se conformèc tamb eth resultat e continuèc en tot marcar mès gols. As 5 menutes dera represa Pipe, d’un bon cop de cap a centro de Miguel, marcaue eth 5-0. Eth 6-0 ac marcaue Mutu en un shut damb era esquerra des de laguens der àrea. Eth Landorthe marcaue eth gol der aunor ena menuta 66, Noel profitaue ua indecision dera defensa aranesa entà ...

U.E. Bossòst 0 – Larboust-OÒ 0 Penaltys : 3 – 4 Partit fòrça disputat eth que se joguèc aguest dissabte en Bossòst, dauant un equip de Larboust-OÒ que disputèc era eliminatòria en tot jogar un bon partit. Es dus equips disputèren ath màxim es 120 menutes que durèc eth partit, demostrant atau aué ua bona condicion física. Era U.E. Bossòst damb un equip fòrça joen sajèc de portar era iniciatiua deth jòc; Ignasi auèc era milhor ocasion ena prumèra mietat. Tanben Alex, en un shut de luenh, portèc eth perilh ena porteria francesa. Eth Larboust-OÒ non portèc guaire perilh ena prumèra mietat. Ena dusaua mietat continuèc eth partit igualat sense qu’es portèrs auèssen de trebalhar guaire. Eth nòste portèr Luis auèc de desviar tamb eth pé un shut dera delantera francesa. Per part aranesa es shuts de fauta e cornèrs non siguèren ben profitadi. Ena prolongacion deth partit se reclamèc ua fauta a Alex laguens der àrea francesa, mès er arbitre non fiulèc arren. Tamb eth 0-0 s’arribaue ara fin des 12...

U.E. Bossòst 2 – Et. Canton St Martory 1 Victòria trebalhada en prumèr partit deth campionat. Partit dominat pera U.E. Bossòst enes 90 menutes. Ena prumèra mietat, ocasions clares entà marcar per part d’Ignasi e Miguel. Eth St. Martory non s’ apropèc ena porteria de Marcos. Ena dusaua mietat, ath quart d’ora , dauríem eth marcador en un clar penalty a Miguel que Felipe s’encarguèc de shutar e marcar eth 1-0. Semblaue que s’auie hèt çò de mès difícil mès eth St. Martory 5 menutes mès tard quan Mhamadi shutaue, susprenie ara defensa aranesa entà marcar er empat a 1 gol. Era U.E. Bossòst continuèc eth sòn domini e se reclamèc un penalty a Miguel qu´eth arbitre fiulèc era fauta dehòra der àrea. A 2 menutes deth finau, Miguel en jogada personau, shutaue des de dehòra der àrea e marcaue eth 2-1, resultat finau deth partit. Cau díder qu´eth resultat ei just mès un shinhau cuert pes mèrits des dus equips. Ei important començar damb ua victòria ena nòsta casa. Pròplèu partit eth dissabte 17 de ...

Aguest dissabte 10 de setème entàs 20:00 en Bossòst començam era sason 2010-2011. Jogaram contra er equip deth Canton de St. Martory. Tamben en sorteig dera Copa de Midi mos a tocat jogar en casa contra er equip deth Larboust-OÒ. Aguest partit se jogarà eth pròplèu dissabte 17 de setème en Bossòst.

En non podèr continuar ena Copa de França era U.E. Bossòst jogarà dos partits aguesta semana entà preparar er inici deth campionat eth dia 10 de seteme. Dimèrcres en Cierp tàs 20:30 Entente 3 Vallés - U.E. Bossòst Dissabte en Bossòst tàs 18:00 U.E. Bossòst - F.C. Cunit

B. Luchon 3 - U.E. Bossòst 1 Prumèr partit de competicion e prumèra derròta. Es errors defensius enes prumères menutes deth partit, decidirent eth resultat finau. Atau en Luchon s'auançaue en marcador en aprofitar Dargassies un error dera defensa aranesa e plantase dauant Marcos e marcar eth 1-0. Poques menutes mès tard eth madeish jogador aprofitaue ua badada deth portèr aranés entà marcar a porta bueda, ere eth 2-0. Eth Luchon artenhíe eth 3-0 en ua fauta desde lueny. Portauem mieja ora de jòc e perdíem 3-0, sense aué estat dominat peth Luchon. Era U.E. Bossòst sajèc de reduir distàncies en marcador mès eth portèr deth Luchon Cazes siguèc protagonista en 3 arturades a shuts des delanters aranesis. Tamben s'anulèc un gol a Ariel per dehòra de jòc, més que dubtos. Ara fin Jaime a 5 menutes deth descans artenhíe a marcar eth 3-1, resultat en que s'arribaue ath descans. Ena dusaua mietat, més domini dera U.E. Bossòst sense podèr marcar cap gol. Eth Luchon sajaue de sor...

Eth XXII Memoriau Manuel Huguet se quedèc en casa, dempús de quera U.E. Bossòst guanhèse per 1-0 (Miguel 35') ar equip deth SaliesMane. Era soleta nota negatiua era blesura d'Eric Valdecantos. En partit de abantes de fotbòl femenin era A.F. Les guanhèc per 18-0 ar equip de E.S. Cierp-Loures. Es pròplèus compromisis sòn: Dijaus 18 d'agost en Bossòst tas 21:00 U.E.Bossòst - F.C. Port d'Agres. Diuendres 19 d'agost en Luchon contra er equip locau, prumèr partit corresponent ara Copa de França, tàs 21:00 B. Luchon - U.E. Bossòst.

Eth 15 d'agost tas 19:00 se jogarà eth XXII Memoriau Manuel Huguet: U.E. Bossòst- SaliesMane Abantes entàs 17:00 fotbòl femení : A.F. Les - Ent. Cierp-Loures

Aguesta semana, dimars e dijaus començam es entrenaments dera sason 2011-2012. Entà començar auem es baishes importants deth nòste trainer Adrian Hernandez e de Jorge. Demoram ua lèu recuperacion as dus entà poder estar damb nosati. Eth prumèr compromís important en inici dera sason serà coma tostemp eth Trofeig Manuel Huguet eth dia 15 d'agost entàs 19:00 contra eth SaliesMane. A finaus d'aquera semana jogaram eth prumèr partit oficiau dera sason 2011-2012 ena competicion dera Copa de França contra eth Luchon. ¡¡¡ Que rode era pilota, Aupa Bossòst !!!.

En sorteig dera Copa de França ena prumèra eliminatòria mos a tocat eth prumèr derby deth Portilhon . Eth dissabte 20 d'agost en Luchon tas 20:00 B.Luchon- U.E. Bossòst, aguest partit serà er inici dera sason 2011-2012.

U.S. Cazeres 1 - U.E. Bossòst 1 Empat que mos a sabut a poc, dempús de jogar eth darrèr partit deth campionat. Era U.E. Bossòst presentaue un equip fòrça joen, mès non se notèc bric eth sòn joc e siguèc er equip deth Bossòst que portèc era iniciatiua deth jòc en tot eth moment. Eth Cazeres marquèc en ua jogada individuau de Couzinet que se plantèc dauant de Marcos e shutèc per baish ena gessuda deth portèr aranés. Era U.E. Bossòst podèc marcar ena prumèra mietat donques Paba shutaue en trauesèr dera porteria e Àlex , tot solet laguens der àrea, shutaue desviat entà dehòra dera porteria. Tamb eth 1-0 s’arribaue ath descans. Ena dusaua mietat, sonque començar, artenhíem er empat en ua jogada entre Paba e Ignasi; aguèst darrèr, marcaue en shut suau ena gessuda deth portèr deth Cazeres. Ara seguida auèrem un auta bona ocasion en un shut de Paba que tocaue eth garròt dera porteria. Felipe en un aute shut tocaue eth trauesèr. Auèrem mès ocasions entà poder-mos emportar era victòria mès ath f...

U.S. Garonne 1 - U.E. Bossòst 0 Derròta pera mínima en un partit en qu’ era igualtat siguèc present en tot eth partit. Cap des dus equips dominèc clarament. Ena prumèra mietat, poques ocasions: ua per cada equip en shuts de luenh. Prumèr , Felipe en agarrar ua pilota ena frotau der àrea , shutaue e era pilota ère desviada entà cornèr per Crinon e dempús Marcos , en un shut de luenh de Dutheil desviaue tanben entà cornèr. Tamb 0-0 s’arribaue ath descans. Ena dusaua mietat, auèrem es milhors ocasions entà poder marcar. Pèir, a pasada d’Ignasi se quedaue dauant eth portèr e eth sòn shut tocaue en traueser dera porteria. Eth Garonne responèc tamb er ùnic gol deth partit en que Saurrat, en ua posicion mès que dubtosa, agarraue era pilota dempús d’ un rebot e se plantaue dauant de Marcos entà marcar eth 1-0. Era U.E. Bossòst sajèc d’ empatar eth partit e Pèir auèc ua bona ocasion en un lançament de fauta que tocaue un aute viatge en traueser dera porteria francesa. Ath finau , derròta ena ½ ...

Era repeticion deth partit dera 1/2 finau dera Copa de Comminges entre U.S. Garonne e U.E. Bossòst se jogarà eth dimenge 22 de mai tàs 15:00 en Gourdan a porta barrada, sense poder aué cap espectador de cap equip.

U.E. Bossòst 0 – E.S. Martres Tolosane 2 Derròta en darrèr partit en casa, en un partit poc vistòs en qu’ eth Martres se trapèc tamb ua victòria inesperada. Sonque en començar, ena menuta 3´, Gomes shutaue de luenh e agarraue a Marcos mau plaçat e marcaue eth 0-1. Era U.E. Bossòst sajèc d’ igualar en marcador mès es intervencions deth portèr Firmino a shuts de Pèir impedic de marcar ath equip aranés. Tamb eth 0-1 s’arribaue ath descans. Ena dusaua mietat, as 10 menutes en un error defensiu , Gomes tornaue a marcar tath Martres e plaçaue eth 0-2 en marcador. Era U.E. Bossòst auèc pòques oportunitats entà reduir eth marcador, sonque un shut d’Ariel qu’ anèc entà dehòra. Ath finau, derròta. Ei vertat que patíem baishes importants mès er equip non joguèc bric ben. Aguesta setmana mos auem reunit tamb era F.F.F. eth dimarts e diuendres pes hèts deth partit dera Copa de Comminges entre U.S. Garonne e U.E. Bossòst e era Comission de Litiges e discipline a decidit de tornar a jogar tot eth par...

ET Canton St Martory 3 - U.E. Bossòst 2 Derròta ena darrèra menuta en partit disputat aguest darrér dissabte en Lestelle. Era U.E. Bossòst presentaue fòrça baishes en sòn equip e ath finau sonque 11 jogadors, sense auer cap de cambi. Eth St. Martory se jogaue fòrça mès que nosati en partit e comencèc fòrça fort e ja enes prumère menutes auèc ocasions entà marcar. Ena menuta 30 artenhíe eth 1-0 en un cornèr en que Abdou remataue tot solet en àrea petita. Era U.E. Bossòst solet s’apropèc tamb perilh en un shut de luenh de Miguel qu’eth portèr Delhaye desvièc entath cornèr. Tamb eth 1-0 s’arribaue ath descans. Ena dusaua mietat, era U.E. Bossòst s’apropèc mès ara porteria deth St. Martory e atau Paba artenhíe er empat a 1 dempús d’ ua jogada individuau. Eth St Martory sonque 5 menutes mès tard artenhíe eth 2-1 en ua rematada de cap de Houe. En ua jogada en qu’ eth St Martory reclamèc ua fauta, Madrid agarrèc era pilota e per velocitat se plantèc dauant Delhaye e shutaue ras entà marcar er...

U.S Garonne 1 - U.E. Bossòst 0 Partit arturat ena menuta 85 pes incidents que se produiren entre es dues aficions ena que prenèren part es jogadors des dus equips. Des d´açí didem que nosati èm en contra de tot acte de violéncia, mos agrade eth fotbòl e non es causes que passèren aguest darrèr dissabte. Respecte ath partit, er U.S. Garonne gessèc milhor que nosati enes prumères menutes : de hèt, podèc auançà-se en marcador en un cop de cap de Saurrat que Marcos arturèc fòrça ben. As 15 menutes Felipe se lesionaue. Passat es 20 menutes, era U.E. Bossòst s’ apropèc mès ena porteria deth rivau e Paba shutaue en garròt. Ignasi e Pèir hèren a trebalhar ath portèr Garros, inedit enquia aguest moment, en auer de refusar era pilota. Tamb eth 0-0 s’arribaue ath descans. Ena dusaua mietat en ua jogada en que se lesionèc Jorge, er arbitre fiulèc cornèr quan auíe d’ auer senhalat era fauta ath jogador aranés. En lançament deth cornèr er U.S. Garonne artenhèc eth 1-0 en rematar Watel e Marcos non p...

Valentine S.C. 0 - U.E. Bossòst 4 Classificacion facil entàs ½ dera Copa de Comminges era artenhuda pera U.E. Bossòst. Partit dominat en tot moment per equip aranés que disposèc de nombroses ocasions. Ena prumèra mietat ja podèc sentenciar eth partit, Miguel en dues ocasions enes que lo mès facil era plaçar era pilota laguens dera porteria shutaue dehòra. Paba tanben auèc ua bona ocasion. Tamb eth 0-0 s’ arribaue ath descans. Ena dusaua mietat pluja de gols entar equip aranés. Sonque començar, Eric se plantaue dauant de Fasan e marcaue eth 0-1 en un shut ras. Ignasi en un shut de vaselina marcaue un polit gol: ère eth 0-2. Non tardàuem guaire en marcar e eth madeish Ignasi remataue un centre en àrea petita, ère eth 0-3. Eth quart gol arribaue a 5 menutes deth finau en que Viló se regatejaue ath portèr francés Fasan e marcaue a puerta ueda, ère eth 0-4. Moha tanben disposèc de bera ocasion entà marcar, sense sort ena rematada finau. Ath finau, golejada facil dauant un rivau en que non a...

Aguest dimèrcles 20 de abriu finau dera Copa deth Rei 2011 en Valencia entre es equips deth Real Madrid e F.C. Barcelona serà retransmitida en aranés per TV3 per Silvia Puertolas e Jordi Delaurens.

ClaracPointis 3 - U.E. Bossòst 2 Partit sense complexes dera U.E. Bossòst, ath despient des baishes qu’auíem, eth que se joguèc aguest dissabte en Clarac. Jòc igualat en sòn començament a on se veiguèc eth perilh deth Clarac : es contres, tamb es sòns jogadors ràpits e es cornèrs e fautes. En un lançament de fauta, eth Clarac dauríe eth marcador ; Via, en un shut pera esquaira, marcaue un polit gol. Era U.E. Bossòst non se desmoralizèc peth gol encaishat e 5 menutes mès tard Paba a passada d’Ignasi marcaue er empat a 1. Marcos auec d’ arturar es boni shuts de Youri abantes d’arribar ath descans tamb empat a 1 en marcador. Ena dusaua mietat, as 10 menutes auèrem era mala sort en un cornèr en marcà-mos un gol en pròpia porteria. Un aute viatge, Paba en ua jogada laguens der àrea petita podèc shutar e empatar a 2 gols. Quedaue mieja ora de partit e eth líder patíe entà arténher era victòria. Youri en ua jogada personau, se plantaue dauant de Marcos e marcaue eth 3-2. Encara quedaue un qua...

Eth sorteig dera 1/2 finau dera Copa de Commiges realitzat agèr en St. Gaudens ei: F.C. ClaracPointis - Martres Tolosane. U.S. Garonne - Guanhador 1/4 de finau entre Valentine - U.E. Bossòst. Segurament es partits se jogaríen era darrèra dimenjada deth mes de abriu.

U.E. Bossòst 2 – E.C. Aurignac 0 Objectiu artenhut aguest dissabte en Bossòst dauant er equip der Aurignac. Victòria cuerta entàs oportunitats qu’ auèrem. As 15 menutes, Paba tot solet shutaue dehòra dauant deth portèr francés. En ua bona jogada de Pèir, Ignasi remataue de cap desviat dera porteria. Ena menuta 30 Paba artenhíe eth 1-0 en un polit gol, en un shut des de dehòra der àrea en qu’eth portèr Daubian non podíe hèr arren entà arturar era pilota. Ena menuta 40 ampliauem era diferéncia en marcador dempús d’ un bon passe de Javi donques Pèir se plantaue dauant Daubian e marcaue d’ un fort shut eth 2-0. Er Aurignac sonque cercaue ath son delantèr St. Laurans entà crear perilh, mès era defensa aranesa estec fòrça ben. Tamb eth 2-0 s’ arribaue ath descans. Ena dusaua mietat, as 15 menutes, er Aurignac auèc era milhor ocasion entà reduir distàncies en marcador quan un jogador shutaue des de dehòra der àrea e era pilota desviada pera defensa aranesa tocaue eth garròt dera porteria. Era...

U.E. Bossòst 4 – S.C. Valentine 1 Partit sense guaire istòria eth d’aguest dissabte en Bossòst donques as 5 menutes eth partit ja i ère sentenciat. Non s’ auie arribat ara prumèra menuta quan Paba profitaue un error dera defensa e se plantaue dauant de Fasan e marcaue a plaser eth 1-0. Ena menuta 5´ se marcaue eth 2-0 en un long desplaçament deth nòste portèr Marcos, un defensa toquèc mau era pilota e eth bot susprenie ath portèr deth Valentine. Se shumaue ua golejada. Ena menuta 20 en ua jogada peth costat d’ Ignasi e rematat per Paba se marquèc eth 3-0. Ena menuta 30 eth Valentine reduie distàncies en marcador en tot marcar eth milhor gol dera net en que Gomez des deth miei camp susprenie a Marcos. Tamb eth 3-1 s ’arribaue ath descans. Ena dusaua mietat, mès domini der equip aranés. Ena menuta 70´, Moha, marcaue eth 4-1. Eth nòste jogador Ignasi auec bères ocasions entà marcar de cap, mès en dues rematades tot solet non artenhèc eth gol e ath delà, en ua jogada en qu’eth sòn remat de...

B. Luchon 0 - U.E. Bossòst 1 Típic partit de derbi eth jogat aguest darrèr dissabte en Luchon. Partit en que er equip aranés controlèc era situacion pendent es 90 menutes a despiet de jogar damb dus jogadors de mens en bona part deth partit. Era U.E. Bossòst artenhíe eth 0-1 en un bon passe de Miguel entre es dus centrals deth Luchon e que Ignasi profitaue entà marcar dauant era gessuda de Cazes. Ère eth 0-1. Eth Luchon reaccionèc enes botes deth sòn milhor jogador Sales, trincaue eth dehòra de jòc e tot solet dauant de Marcos shutaue desviat dera porteria. Pèir en ua gran jogada personau podie auer ampliat eth marcador. Ena menuta 40 Miguel ère expulsat per dusaua tarjeta auriòla. Tamb eth 0-1 s’arribaue ath descans. Ena dusaua mietat damb 10 jogadors, er equip aranés se defenèc fòrça ben e deishèc ath Luchon sense cap ocasion entà marcar. Ena menuta 60 i auèc era jogada que podèc sentenciar eth partit: Felipe, en ua gran jogada personau ère derribat en àrea deth Luchon, eth clar pena...

U.E. Bossòst 1 – U.S. Garonne 2 Non i a manèra de guanhar un partit en aguest dusau torn deth campionat. Un auta derròta en casa en un partit igualat sustot ena prumèra mietat a on es dus equips poguèren daurir eth marcador. Er U.S. Garonne se mostrèc coma un equip defensiuament ben plaçat e sajant de profitar es jogades deth sòn milhor jogador Pailloux. Ena prumèra mietat un centre-shut de Belarbi tocaue eth garròt dera porteria aranesa. Ara seguida, Pèir en ua jogada d’estrategia dempús d’un corner shutaue mès eth portèr Rachid hège ua gran arturada e desviaue era pilota. Tamb eth 0-0 s’arribaue ath descans. As 10 menutes dera dusaua mietat, er U.S. Garonne marcaue eth 0-1 en ua jogada de mala sort, Marcos esguitlaue e eth shut deth delantèr francés entraue suaument ena porteria aranesa. Ena menuta 70´ Pailloux marcaue eth 0-2 en un gran gol de vaselina per dessús deth portèr aranés. Era U.E. Bossòst sajèc de retalhar distàncies en marcador mès non ac harie enquiara menuta finau en q...

U.E. Bossòst 0 – U.S. SaliesMane 3 Un SaliesMane reforçat tamb jogadors deth prumèr equip s’emportèc ua clara victòria en Bossòst. Sonque començar eth partit, Barnier de cap marcaue pera esquaira dera porteria aranesa. Era U.E. Bossòst ena prumèra mietat sajèc d’ arribar ena porteria de Claverie des de shuts de luenh, atau Pèir shutaue entà dehòra dempús d’ un cornèr e Adrian shutaue ras e eth portèr arturaue era pilota. Eth SaliesMane en un aute cop de cap de Barnier, tocaue eth garròt dera porteria aranesa. Tamb 0-1 s’arribaue ath descans. Ena dusaua mietat , en un inici era U.E. Bossòst dominèc eth partit e auèc ocasions entà empatar. Paba en ua bona jogada se plantaue dauant eth portèr e shutaue per dessús dera porteria deth SaliesMane. En tram finau deth partit , eth SaliesMane marcaue dus gols mès que deishàuen eth partit sentenciat. Ath finau 0-3 dauant un molt bon equip. Non auèrem sort ath començament dera dusaua mietat en que mereishíem bèth gol ;eth SaliesMane profitèc fòrça...

Eth pròplèu dissabte 5 de març tàs 18:00 en Bossòst jogam contra eth líder deth campionat eth SaliesMane . Aguest equip e eth ClaracPointis s'han destacat ath dauant dera classificacion: SaliesMane 51, ClaracPointis 49, Luchon 40, Encausse 38 e Bossòst 37.

E.S. Boussens 0 - U.E. Bossòst 0 Empat a 0 en partit disputat aguest darrèr dissabte en Boussens. Terren de jòc tamb fòrça hanga çò que dificultèc eth jòc des dus equips. Partit dominat per equip aranés mès sense auer guaire oportunitats de gol. Ena prumèra mietat , Pèir auèc era ocasion mès clara de tot eth partit en rematar tot solet en dusau garròt mès quan era pilota entraue eth portèr Bourot la treiguèc. Es jogadors aranesi reclamèren ar arbitre qu’ era pilota auie entrat. Eth Boussens auèc ua aproximacion en àrea dera U.E. Bossòst tamb un shut des de dehòra der àrea. En un bon centro Javi Castet auèc ua bona ocasion, mès shutèc luenh dera porteria. Tamb 0-0 s’arribaue ath descans. Ena dusaua mietat atau coma ena prumèra , iniciatiua dera U.E. Bossòst e eth Boussens sajant de suspréner ara defensa aranesa. Molt poques oportunitats en aguesta dusaua part, sonque un shut d’Arroyo qu’eth portèr Bourot desvièc entath cornèr. Ath finau 0-0, un trist empat que a despiet de qu’er arbitr...

U.E. Bossòst 2 – U.S. Encausse 4 Derròta contundent era qu’ auem patit aguest darrèr dissabte en partit disputat contra er Encausse en Bossòst. Ei vertat qu’er equip auie fòrça baishes mès es errors defensius mos an penalitzat fòrça dauant un bon equip. Partit equilibrat sense lèu ocasions de gol enquiara menuta 33 en que Paya profitaue un error defensiu entà marcar eth 0-1. 5 menutes mès tard , en ua jogada desafortunada dera nòsta defensa, s’ aprofitaue Brana A. entà marcar eth 0-2. Semblaue difícil retalhar es diferéncies en marcador mès Javi Castet aprofitaue ua bona jogada entà marcar eth 1-2, resultat damb eth que s’arribaue ath descans. Encara quedaue tota era dusaua mietat e tot ère possible. Gessèren damb era intencion d’empatar e çò que passèc ei qu’ un aute error defensiu permetèc a Germa marcar eth 1-3. Encara quedauen 30 menutes de partit e er equip aranés sajèc de reduir diferéncies. Atau , ena menuta 73 Miguel aprofitaue ua badada deth portèr Paya M, entà marcar eth 2-3....

Montastruc de Salies F.C. 1 - U.E. Bossòst 1 Partit igualat eth disputat en Montastruc aguest darrèr dissabte. Non i auèc guaire ocasions de gol entàs dus equips e es defenses s’imposèren as atacs. Ena prumèra mietat, sonque començar, as 5 menutes gol anulat ath Montastruc per mans de sòn delantèr en portà-se era pilota. Er equip aranés sajèc de portar era iniciatiua deth jòc, mès non siguèc bric fàcil degut ara forta pression der equip contrari; òc que i auèc bones jogades mès mancàue era darrèra passada entà poguer auer ua bona ocasion. Tamb 0-0 s’arribaue ath descans. Ena dusaua mietat tot igual: poques ocasions de gol e eth Montastruc sajant d’ hèr bera jogada de contratac entà suspréner era nòsta defensa. Es gols arribèren en darrèr quart d’ora deth partit. S’ auançaue eth Montastruc en ua jogada en qu’ un rebot plaçaue era pilota en cap de Embareck que tot solet remataue eth 1-0. Era U.E. Bossòst non se dèc per perduda e persistic en sòn jòc entà empatar. Eth premi arribaue a 5 m...

U.E. Bossòst 0 – Clarac Pointis F.C. 2 Partit vibrant entre eth líder deth campionat e era U.E. Bossòst. Eth Clarac Pointis siguèc fòrça contundent en inici deth partit e eth prumèr quatau d’ora auèc es arribades mès perilhoses. Ena menuta 15 Bernoville Your marcaue eth 0-1 en shutar dauant de Marcos. Aguest gol hèc fòrça mau ar equip aranés qu’ ena prumèra mietat sonque shutaue a porteria des de luenh sense guaire perilh. Tamb eth 0-1 s’arribaue ath descans. Ena dusaua mietat, enes prumères menutes, Pèir auèc ua bona oportunitat mès eth portèr deth Clarac Pointis desvièc era pilota en ua bona arturada. Deth possible 1-1 passèrem ath 0-2 en aprofitar Bernoville Your ua pilota en profunditat e shutar per dessús dera gessuda de Marcos. Encara quedaue fòrça temps entà acabar eth partit. Er equip aranés sajèc de marcar mès non siguèc possible. Es jogades mès perilhoses siguèren ua queiguda de Miguel laguens der àrea (penalty) qu’er arbitre senhalèc dehòra der àrea e un bon centro de Pèir q...

Eth plòplèu dissabte 29 de gèr tas 20:30 en Bossòst, partit contra eth líder deth campionat Clarac Pointis F.C. Classificacion:Clarac Pointis 36, SaliesMane 35, U.E. Bossòst e Luchon 31. Cau díder que Luchon a dus partits de més jogadi e Clarac Pointis un partit de més. ¡¡¡ Amplís eth camp, anima eth tòn equip, fòrça U.E. Bossòst !!!.

Es dus partis que s'auien de jogar en Bossòst aué dissabte s'han suspenut pr'amor qu'eth terren de joc era fòrça gelat. Atau es partits dera E.F. Val d'Aran e U.E. Bossòst contra eth SaliesMane se jogaran pendent eth mes d'hereuèr.

E.S. Martres Roquefort 0 - U.E. Bossòst 1 Victòria trebalhada era artenhuda aguest darrèr dissabte en Martres Tolosane. Era prumèra mietat siguèc fòrça igualada. Shuts des de luenh sense guaire perilh e poques arturades des portèrs. Ena menuta 35 se marcaue eth que serie er únic gol deth partit en ua bona jogada colectiua : Paba encaraue eth portèr Firmino e shutaue ua pilota rasa qu’ entraue laguens dera porteria deth Martres. Ère eth 0-1. Eth Martres sajèc d’empatar abantes deth descans mès Liaño parèc un shut des de dehòra der àrea. Tamb 0-1 s’arribaue ath descans. Ena dusaua mietat dominèrem milhor eth jòc .Pèir e Miguel aueren ocasions tà marcar bèth gol, ath delà de bèra jogada en que mos fiulèrem dehòra de joc quan ja encaràuem ath portèr contrari. Eth Martres auèc era milhor ocasion deth partit ena menuta 25 quan eth sòn delantèr centre se plaçaue dauant de Liaño e non podèc acabar era sua jogada pera bona actuacion deth portèr aranés. Eth Martres sajèc d’empatar enes darrères ...

U.E. Bossòst 3 – U.S. Miramont 0 Prumèr partit d’ enguan 2011 e victòria fàcil entà classificà-mos entàs 1/8 de finau dera Copa de Comminges. Partit dominat pera U.E. Bossòst enes 90 menutes sense qu’eth Miramont auesse cap d´oportunitat en tot eth partit. Ena prumèra mietat, a despiet de dominar, poques ocasions entà marcar. Un bon shut de Pèir dempús d’un corner anèc entà dehòra per poc dempús de qu’era pilota toquesse involuntariament en arbitre. Ena menuta 35 artenhíem eth 1-0 en ua bona jogada d’Eric e que Miguel profitaue entà marcar. Abantes d’arribar ath descans poguèrem ampliar eth marcador mès non estèrem acertadi ena passada finau e s’arribaue ath descans tamb 1-0. Ena dusaua mietat sonque començar sentencièrem eth partit: en ua jogada entre Pèir e Paba, aguest darrèr marcaue eth 2-0 en tot ampliar eth marcador ath nòste favor. Er equip ,en aguesta dusaua mietat ei quan milhor joguèc. Ena menuta 70, Polilla de fauta directa marcaue eth 3-0. Encara auèrem mès ocasions entà ma...

Eth plòplèu dissabte 8 de gèr tas 18:00 en Bossòst prumèr partit d'aguest an 2011. 1/16 de finau Copa de Comminges: U.E. Bossòst - U.S. Miramont