U.E.B.

Partit que auem jogat aué en Cierp, damb molta calor. Era contundència der equip francés mos guanhen per 2-4. Sonque comença ena prumèra menuta, gran gol de Pavageau que place era pilota ena esquaira de Pol. Non siguec enquiath menut 30 que Lil empataue eth partit dempús d'ua bona jogada d'Àlex. Abantes dera mietat, dues accions contundents der equip francés, Raynaud s'aunça ara defensa e marca ena gessuda de Pol e ara seguida Pavageau sorprend ath porter aranés en un shut de lueny que passe per dessus. Auerem ua mol bona ocasion d'Aitor C. entà reduir eth mercador, mes tot solet shutec per dessus deth garròt. Ena dusaua mietat sajerem de reduir es distàncies en mercador mes eth porter Viallard non ath deishec. Per contra, en un error dera defensa Raynaud, aprofitec entà mercar eth 1-4. A 10 menutes deth finau en ua pilota daurida ena dreta, Salva mercaue eth 2-4. Auerem vera ocasion mes entà apropamos en mercador mes non siguec possible. Ath finau, derrò...

Eth partit entre U.E. Bossòst - F.C. Canal Nord corresponent ara 1ª eliminatòria de Copa de França se jogarà en Cierp-Gaud dimenge 25.08.19 tàs 15:00.

En partit jogat eth 15 d'agost era U.D. La Fueva guanhèc per 1-2 eth XXX Memoriau Manuel Huguet. Ena prumèra mietat era U.D. La Fueva s'auançàuem damb dus gols. Damb eth 0-2 s'arribaue ath descans. Ena dusaua mietat era U.E. Bossòst mercaue eth 1-2 e auec oportunitats entà artènher er empat, mès non podec èster.

Aguest dijaus 15 d'agost tàs 19:30 laguens des actes dera nòsta Hèsta Major, jogaram eth partit deth XXX Memoriau Manuel Huguet contra er equip U.D. La Fueva que jogue en grup 2 dera 1ª regionau d'Aragon. En aguest partit eth nòste equip portarà es naues samarretes patrocinades peth Bingo Bossòst.

Cambis importants en grup B dera categoria Departamentau 2. Auem 7 equips naui respècte ar an passat, e auem desplaçaments enquia Toulouse. Relacion des equips: Comminges St. Gaudens II, Boulogne II, Carbonne II, Le Fousseret, Montastruc de Salies, Roques, St. Lys, Toulouse A.C., Toulouse Metropole III, Villeneuve de Riviere, Salies Mane III, U.E. Bossòst.