U.E.B.

Ent. Boulogne II 3 - U.E. Bossòst 0 Darrèr partit deth prumèr tour eth jogat aguest passat dissabte en Boulogne. Sonque començar auérem ua bona oportunitat quan Rubén shutaue des de dehòra der àrea ena gessuda deth portèr francés e era pilota gessie entà dehòra. Eth Boulogne creèc en tot partit molt de perilh pera banda esquèra deth sòn capitan Demont. En un lançament de cornèr, Oliva mercaue tot solet laguens der àrea petita eth 1-0. En ua jogada de Demont acabèc damb un centre que Martin remataue des de laguens der àrea entà mercar eth 2-0. Damb aguest resultat s’arribaue ath descans. Ena dusaua mietat, ath començament Demomt shutaue en garròt dera porteria aranesa. Ara seguida Edu, auie de realizar ua bona arturada en un shut deth capitan francés. En un clar penalty de Gilbert, Demont shutaue entà mercar eth 3-0. Damb es cambis melhorèrem un shinhau, mès costèc fòrça arribar en àrea contraria damb perilh. Fran e Moha auérem dues bones oportunitats entà mercar eth gol der aunor, mès ...

U.S. Encausse 1 - U.E. Bossòst 1 Prumèr partit der an disputat en Encausse, un des poqui partits disputats aguesta dimenjada degut as dolentes condicions atmosferiques. Terren de jòc pesat çò que dificultèc eth jòc as dus equips. Sonque començar, ua falta en miei deth camp, Àlex shutaue en tot hèr un passe a Lil que profitaue entà shutar e mercar eth 0-1. Ara seguida eth madeish Lil se plantaue dauant deth portèr francés Marrot e shutaue ara sua esquerra, mès eth portèr desvièc era pilota ath cornèr en ua bona arturada. Er Encausse responec damb ua bona ocasion de Camara qu’eth nòste portèr Edu desviaue ath cornèr. Damb eth 0-1 s’arribaue ath descans. Ena dusaua mietat, iniciatiua deth jòc der Encausse e era U.E. Bossòst sajaue de barrar eth partit ath contraatac. Auérem molt bones ocasions entà poder mercar eth dusau gol, bon cop de cap d’Aitor en un cornèr ; eth joen Albert auie era melhor solet dauant eth portèr, mès eth sòn shut siguec arturat. Mos anulèrem un gol per falta en atac...