U.E. Bossòst 4 – U.S. Cazères II 1 Bon partit eth jogat aguest darrèr dissabte en Bossòst damb uns quanti gols. Inici damb domini francés. Dempús deth quart d’ora auérem ua bona ocasion de Rella e ua auta de Guille. Ara mieja ora, ua jogada pera dreta d’Ivan siguec arturada damb ua falta laguens der àrea, eth clar penalty siguec transformat per Guille : ère eth 1-0. Abantes deth descans, en un cornèr, Rella remataue de cap eth 2-0, resultat damb eth que s’arribaue ath descans. Ena dusaua mietat, continuèc eth domini aranés e ath quart d’ora Hèctor mercaue eth 3-0 en un polit gol. Un sinhau mès tard, Guille mercaue eth sòn dusau gol particular entà méter eth 4-0 en mercador. Enes menutes finaus eth Cazères mercaue eth sòn gol, entà deishar eth mercador en 4-1. Un pòker de gols que mos da ua victòria que mos plaçe ena part mieja dera classificacion, era quau a manca de 5 partits ei : Aurignac 28, Boulogne 26, Luchon 25, Encausse 23, Le Fousseret 22, Pouvourville 21, Bossòst 19, Cazères ...