U.E. Bossòst 0- U.S. Cazeres II 0
Bon partit eth d’aquest passat dissabte en Bossòst entre dos equips que sajauem de jogar era pilota. S’imposèren es defenses as atacants e non iauèc guaire ocasions de gol. Ena prumèra part ua bona jogada entre Sergio e Diego acabèc damb un shut ras qu’arturèc eth portèr francés Dos Santos. Eth Cazeres atacaue pes bandes entà sorprène ara defensa aranesa. Damb eth 0-0 s’arribaue ath descans.
Ena dusaua mietat eth partit continuèc igualat. Er equip francés Lasserre auèc ua bona ocasion mes Turmo podèc desviar era pilota. Sajèrem de sorprene en dos lançaments de falta ràpida, un viatge Jhan e er auta Quicu, eth portèr les arturèc mes er arbitre auie anulat incomprensiblement era jogada. Enes menutes finals, bona ocasion enes botes de Yorman que non acabèc de rematar ben era pilota e eth portèr l’arturaue.
Ath finau un empat just que mos deishe ena part baisha dera classificacion: Isle en Dodon 13, Cazeres 10, Miramont 9, Rieux e Valentine 8, Aurignac e SaliesMane 6, UE Bossòst 5, Labarthe Riviere 4, Landorthe 0.
Eth plòplèu partit ei dissabte 7 de deseme tàs 20:00 en Aurignac contra er equip locau.
Estam en campanha de Socis, cada viatge perden socis per molti motius. Enes an 2000 arribauen a lèu de 200 persones, ara en an 2024 sònque 131.
U.E. Bossòst: Turmo, Rachid, Christian, Hassane, Dani, Sergio, Hèctor, Yorman, Quicu, Diego, Sala.
Remplaçants : Jhan, Camilo, Emma.
Trainer: Xavi Mena.
Tarjetes auriòles : Christian, Hèctor.
U.S. Cazeres: Dos Santos, Vignolo, Amorin, Barrier, Berge, Ducos, Marukyan, Sape, Lasserre, Lopes.
Remplaçants : Cerrigone, Cauhape, Boumraya.
Trainer: Cauhape Philippe.
Tarjetes auriòles : Boumraya, Ducos.
Arbitre: Darnaud Claude.
Comentaris