F.C. Saleich 3 - U.E. Bossòst 2
Darrèr partit dera Copa Departamentau disputat aguest dimenge en Saleich, en que joguèrem eth pitjor partit d’aguesta sason. Si que portèrem era iniciatiua en joc mes estèrem molt poc actius e facilitèrem era faena ara defensa contrària. Peth contrari ena nòsta àrea deishèrem crear massa oportunitats de perilh a un equip de categoria inferior que luitèc ath màxim damb un mercador tostemp ath sòn favor. Ena prumera part s’auançaue eth Saleich de falta qeth portèr aranés non arribèc a blocar e Vaichere remataue tot solet, ere eth 1-0. Ori en ua rematada ath garròt auie pogut empatar. Damb eth 1-0 s’arribaue ath descans.
Ena dusaua mietat mes domini aranés sense guaire perilh, sònque un aute pilota en garròt d’Ori. En ua pilota a lèu dera nòsta àrea Vaichere pressionaue entà prene era pilota e mercar eth 2-0. En 5 menutes anauem a empatar eth partit: un clar penalty a Hèctor lo mercaue Emma e Ori mercaue er empat a 2 a manca de 15’. Ath dessus er equip francés se quedaue damb 10,eth sòn golejador Vaichere ere expulsat per doble tarjeta jauna. En ua pilota arturada com ena prumèra mietat eth Saleich aprofitaue eth caos en defensa entà mercar eth 3-2.
Ac intentèrem enquiath finau mes non poguèrem arribar a empatar.
Ath finau ua derròta dolorosa que mos place en dusau lòc dera classificacion d’aquesta Copa. Passaran ronda mes auram de milhorar fòrça entàs 1/8 de finau que serà a partit únic.
F.C. Saleich: Mailleau, Boulange, Buc, Sentenac, Le, Males, Belarbi, Vaichere, Laffont, Worms, Marenco.
Remplaçants : Bouche, Rey, Cazenave.
Trainer: Martins Paulo Serge.
Tarjetes auriòles: Vaichere, Laffont.
Tarjetes vermelhes: Vaichere.
U.E. Bossòst: Jordi, Camilo, Hassane, Borja, Jhan, Dani, Ahmed, Hèctor, Nahuel, Ori, Christian.
Remplaçants: Manu, Emma, Eric.
Trainer: Xavi Mena.
Tarjetes auriòles : Christian.
Gols: 1-0 Vaichere (35’), 2-0 Vaichere (60’), 2-1 Emma (p. 70’),
2-2 Ori (75’), 3-2 Laffont (85’).
Arbitre: Chauvet Lionel.
Comentaris