U.S. SaliesMane III 2 - U.E. Bossòst 4 Partit de tràmit dempús de tres semanes sense jogar. Sònque començar encaishauem eth prumèr gol quan Fourtanier agarraue era esquia dera defensa e se plantaue dauant deth nòste entà mercar eth 1-0. A partir d’alavetz domini e bones ocasions der equip aranés. Albert auèc dues bones ocasions molt semblantes mes shutèc per dessus dera porteria. Ahmed empataue a 1 en ua bona jogada. Er equip francés sajaue de deishar as delanters en dehòra de joc damb ua defensa auançada que non sabérem superar molti viatges. Ara mieja ora Ivan mercaue eth 1-2 dempús de regatejar ath defensa e shutar damb era esquerra. Damb eth 1-2 s’arribaue ath descans. Ena dusaua mietat non auèrem tantes ocasions mes continuerem dominan eth joc. En non marcar eth tresau gol, er equip francés aprofitaue un rebot e Soulier empataue a 2 gols. Enes menutes finals Albert e Ivins mercauen es gols que mos dauem era victòria mereishuda. Fin finau dera sason damb ua victòria, tornaram a pru...