U.E.B.

U.E. Bossòst 0 - U.S. Colomiers 5 Partit complicat eth d’aguest dimenge en Bossòst dauant un equip de Regional 2 de 4 categories superior, que en tot eth partit siguèc fòrça superior e se prenèc molt en serio eth partit. Auantèrem enquia dempús dera “pausa” d’hidratacion, ara mieja ora encaishauem eth 0-1 en un cornèr que non defensèrem ben., bon cop de cap de Chachi. Abantes deth descans en ua jogada rapida pera dreta Khelifa mercaue eth 0-2, resultat que s’arribaue ath descans. Ena dusaua mietat ja mos costèc mes e conforme passaue eth temps anauem encaisham es gols. Er equip deth Colomiers non afluixèc bric e mos marquèc 3 gols mes: Landrieux, Khelifa e Hamaidia siguèren es golejadors. Era bona actuacion deth nòste porter Turmo ajudèc a non encaishar mes gols. Ath finau derròta logica ena Copa d’Occitania que comporte era nòsta eliminacion. Ara a agarrar fòrçes entath campionat e era Copa Departamentau. Eth plòplèu partit començam era Liga, dissabte 3 d’octubre tàs 18h en Boussan c...

U.E. Bossòst 2 - U.S. Rieux 0 Prumèr partit de Copa Departamentau Sud des tres que jogam, aguest ere contra er equip der U.S. Rieux campion dera nòsta Liga er an passat en que mos auie guanhat es dos partits. Er equip aranés joguèc un excelent partit e s’emportèc ua meritòria victòria. As 20’ Joel mercaue eth 1-0 damb un bon shut ras. Er equip francés responèc damb un shut en garròt. Damb eth 1-0 s’arribaue ath descans. Ena dusaua mietat eth joc continuèc estant bon e Ori mercaue eth 2-0 dempús d’ua bona jogada. Er equip deth Rieux sajèc de retalhar distàncies en mercador, mes era defensa e portèr aranés non ac permetèrem. Jhan auèc ua bona ocasion entà mercar un tresau gol. Ath finau, bon debut ena Copa Departamentau e 3 boni punts entara U.E. Bossòst. Eth plòplèu partit ei dimenge 27 de seteme en Bossòst tàs 15h partit de Copa Occitània contra er equip deth Colomiers 2, equip de Regional 2, son 4 categories mes que nosati, sajaram de jogar un bon partit. ¡¡¡ Vos demoram a toti !!! U....