U.E.B.

F.C. Saleich 3 - U.E. Bossòst 2 Darrèr partit dera Copa Departamentau disputat aguest dimenge en Saleich, en que joguèrem eth pitjor partit d’aguesta sason. Si que portèrem era iniciatiua en joc mes estèrem molt poc actius e facilitèrem era faena ara defensa contrària. Peth contrari ena nòsta àrea deishèrem crear massa oportunitats de perilh a un equip de categoria inferior que luitèc ath màxim damb un mercador tostemp ath sòn favor. Ena prumera part s’auançaue eth Saleich de falta qeth portèr aranés non arribèc a blocar e Vaichere remataue tot solet, ere eth 1-0. Ori en ua rematada ath garròt auie pogut empatar. Damb eth 1-0 s’arribaue ath descans. Ena dusaua mietat mes domini aranés sense guaire perilh, sònque un aute pilota en garròt d’Ori. En ua pilota a lèu dera nòsta àrea Vaichere pressionaue entà prene era pilota e mercar eth 2-0. En 5 menutes anauem a empatar eth partit: un clar penalty a Hèctor lo mercaue Emma e Ori mercaue er empat a 2 a manca de 15’. Ath dessus er equip fran...

Eth dissabte anèrem enquia Aurignac entà jogar eth partit corresponent ara 6ua jornada deth campionat de Liga e mos trapèrem un terren de joc plen d’aigua totaument impracticable. Eth plòplèu partit serà eth darrèr d’aquest an 2024, partit de Copa Departamentau eth dimenge 15 de deseme tàs 15:00 en Saleich contra er equip locau.

  U.E. Bossòst 0- U.S. Cazeres II 0 Bon partit eth d’aquest passat dissabte en Bossòst entre dos equips que sajauem de jogar era pilota. S’imposèren es defenses as atacants e non iauèc guaire ocasions de gol. Ena prumèra part ua bona jogada entre Sergio e Diego acabèc damb un shut ras qu’arturèc eth portèr francés Dos Santos. Eth Cazeres atacaue pes bandes entà sorprène ara defensa aranesa. Damb eth 0-0 s’arribaue ath descans. Ena dusaua mietat eth partit continuèc igualat. Er equip francés Lasserre auèc ua bona ocasion mes Turmo podèc desviar era pilota. Sajèrem de sorprene en dos lançaments de falta ràpida, un viatge Jhan e er auta Quicu, eth portèr les arturèc mes er arbitre auie anulat incomprensiblement era jogada. Enes menutes finals, bona ocasion enes botes de Yorman que non acabèc de rematar ben era pilota e eth portèr l’arturaue. Ath finau un empat just que mos deishe ena part baisha dera classificacion: Isle en Dodon 13, Cazeres 10, Miramont 9, Rieux e Valentine 8, Aurig...

U.E. Bossòst 3 - U.S. Encausse 0 Partit que començèc sense er arbitre oficiau per ua pana en sòn cotxe e que per sorteig li toquèc arbitrar ar equip der Encausse. Eth partit siguèc molt similar ath que se joguèc er an passat contra eth Luchon e qu’acabèc curiosament damb eth madeish resultat. Ath contrari deth darrèr partit de Liga siguèrem molt segurs en defensa e a pilota arturada non permetèrem cap rematada. En ua prumèra part molt igualada s’arribaue ath descans damb eth 0-0. Ena dusaua mietat dauriem en mercador en ua bona passada d’Hèctor entà Rashid e aguest dempús d’evitar ath portèr Marrot mercaue eth 1-0. As 10’ menutes Hèctor se quedaue dauant deth portèr e mercaue eth 2-0. Ath finau eth joen jogador aranés Diego mercaue un polit gol entà deishar eth mercador en 3-0. Ath finau ua gran victòria dauant un equip de categoria superior que mos deishe prumèrs en grup a manca d’un partit. Eth plòplèu partit tornam entara la Liga, partit en Bossòst dissabte 30 de noveme tàs 20:00 co...

Isle en Dodon 3 - U.E. Bossòst 0 Partit en camp deth líder que se decidic ena prumera mietat. Eth 1-0 siguèc un centro laterau que non poguèrem despejar e Niclin tot solet en dusau garròt mercaue eth gol. Ath quart d’ora en ua fauta a 20 m. dera porteria Niclin plaçaue era pilota ena esquaira e mercaue eth 2-0. Mos costèc fòrça arribar en àrea francesa, non ajudèc bric era passivitat der àrbitre en fiular fautes que semblauen molt clares. A lèu deth descans en ua pilota perduda laguens dera nòsta àrea, l’arribaue era pilota a Eyenga que mercaue eth 3-0, resultat que s’arribaue ath descans. Ena dusaua mietat començèrem un sinhau milhor e auèrem arribades peth costat de Jhan; en un centro sòn era pilota siguèc rematada per Diego e eth portèr Furton hèc ua bona arturada. Er equip francés mos creèc fòrça perilh enes fautes lateraus e cornèrs, auèrem sort e es sues rematades de cap anèren entà dehòra dera porteria. Ath finau derròta dauanit un líder massa fort que siguèc milhor e nosati n...

F.C. Montastruc 1 - U.E. Bossòst 4 Partit que començèc damb eth menut de silenci peth dolor as víctimes dera DANA era catàstrofe qu’a afectat ara Comunitat Valenciana e Castella-La Mancha aguesta passada semana. Enes prumeres menutes dauric eth mercador er equip aranés eth delanter Quicu mercaue eth 0-1. Ara seguida eth Montastruc igualaue a 1, en un gol deth sòn delanter Alexis. Eth partit continuèc damb domini dera UEB que mercaue eth 1-2 Jhan abantes d’arribar ath descans. Damb eth 1-2 s’arribaue ath descans. Ena dusaua mietat bon joc per part aranesa que mercaue dos gols més: Ivan e Ahmed ampliauem era distància en mercador. Enes menutes finals es ganes de mercar més gols deisheren espais darrèr qu‘eth Montastruc estèc a punt d’aprofitar. Ath finau bona victòria damb pòker de gols dauant un equip de categoria inferior. Com tostemp molt bona recepcion per part der equip deth F.C. Montastruc de Salies. Eth plòplèu partit jogam partit de Liga en Bossòst dissabte 9 de novè e tàs 20:00 ...

Eth partit d’aué dissabte en Bossòst de Copa Departamentau entre era U.E. Bossòst e U.S. Encausse a estat suspenut per aigua queijuda era passada net e qu’a deishat eth terren de joc impracticable. Eth plòplèu partit tamben ei de Copa, dissabte 2 de noveme tàs 18:30 en Montastruc de Salies contra er equip locau.

U.S. SaliesMane III 2 - U.E. Bossòst 1 Partit en que mereshiem un milhor resultat pr’amor auèrem molt bones oportunitats que non acaberen de materialitzar. En canvi es francesi mercaren dos boni gols enes menutes finaus de cada part. Nosati sonque poderem mercar entà reduir distàncies en mercador enes menutes de descompde deth partit. Ath finau prumèra derròta deth campionat en aguest desplaçament a Mane. Ara toque eth tour ara Copa Departamentau, aguesta sason canvie de format, s‘a format grups de 4 equips en que se classifique eth prumèr e es milhors segoni. Eth nòste grup ei format pes equips: Saleich, Montastruc de Salies, Encausse, UE Bossòst. Eth plòplèu partit ei eth prumèr partit de Copa, dimenge 20 d’octubre tàs 15:00 en Saleich contra er equip locau. U.S. SaliesMane: Chan, Jordana, Gracia, Delque, Soro, Lacomme, Veloso, Ferre, Tosin, Soulier, Brahmi. Remplaçants : Petit, Heuillet, Marty. Trainer: Millet Nicolas. Tarjetes auriòles : Veloso, Soulier, Petit. U.E. Bossòst : Fran,...

  U.E. Bossòst 1 - S.C. Valentine 0 Partit en que començèc damb era lesion d’Ori en escauament. Dempus en partit tamben se lesionauen Àlex e Jhan. Eth Valentine ben plantat en terren de joc dificultat fòrça eth joc dera U.E. Bossòst en qu’er arbitratge non ajudèc bric a està un partit tranquil. Ath descans s’arribaue damb eth 0-0 iniciau. Ena dusaua mietat sajerem de jogar mes pes bandes pr’amor veiguèrem ar equip francés que tostemp auie fòrça jogadors ena part deth miei. Una jogada des jogadors joeni pera part dreta acabèc damb un clar penalty sobre Jhan; Sergio s’encargaue de shutar e mercar eth 1-0. Encara quedauem 15’ en que siguerem castigadi per arbitre damb faltes inexistents ath bord der àrea. Era defensa e portèr aranés estèrem molt segurs entà mantier eth mercador. Ath finau, victòria trebalhada pera mínima que mos place ena part de naut dera classificacion. Eth plòplèu partit ei eth dissabte 12 d’octubre tàs 20:00 en Mane contra er equip deth SaliesMane III. U.E. Bossòs...

  U.E. Bossòst 0 - E.S. St Simon 1 Partit de Copa Occitània dauant eth St Simon equip de Departamentau 1, dues categories més que nosati. Aguesta diferència non se notèc guaire ath long des 90 menutes. Es defenses s’imposeren as atacants e non iauèc guaires ocasions. Damb eth 0-0 s’arribaue ath descans. Ena dusaua mietat continuèc era igualtat que non se trinquèc enquiath quart d’ora deth finau en qu’er arbitre mos fiulèc ua falta que solet eth veiguèc ath bord der àrea gran e Manset shutaue entà mercar eth 0-1. Auèrem enes botes de Sergio er empat mes eth son shut lo arturaue eth portèr francés. Ath finau derròta mínima dauant un equip de categoria superior. Eth plòplèu partit ei dusaua jornada deth campionat de Liga en Bossòst 5 d’octubre tàs 20:00 contra er equip deth Valentine. U.E. Bossòst: Fran, Jhan, Rachid, Hassane, Borja, Christian, Manuel, Lil, Emmanuel, Ori, Àlex. Remplaçants : Sergio, Dani, Yorman. Trainer: Xavi Mena. Tarjetes auriòles : Sergio, Lil. E.S. St Simon: Lacr...

U.E. Bossòst 1 - U.S. Rieux 1 Prumèr partit deth campionat Departament 3 deth grup A contra er equip der U.S. Rieux. Partit dominat ena primera mietat per equip aranés qu’auèc diuerses ocasions enes botes d’Ori, Emma e Jhan. Ara mieja ora de joc, penalty clar a Christian que siguèc shutat per Ori entà mercar eth 1-0. Damb aguest resultat s’arribèc ath descans. Ena dusaua mietat non siguèc tant clar eth nòste domini e er equip francés lo aprofitèc entà empatar eth partit a manca d’un quart d’ora deth finau. Luiterem enquiath finau entà mercar un aute gol mes non podèc ester. Ath finau un empat entà començar eth campionat que non mos deishèc guaire contents. Eth plòplèu partit ei era dusaua eliminatòria dera Copa d’Occitania, dissabte 28 de seteme tàs 20:00 en Bossòst contra er equip der E.S. Saint Simon equip de Departamentau 1. U.E. Bossòst: Jordi, Jhan Carlos, Borja, Hèctor, Rachid, Ori, Sergio, Diego, Emmanuel, Christian, Àlex. Remplaçants: Alberto, Yorman, Camilo. Trainer: Xavi Mena...

  U.E. Bossòst 9 - F.C. Montastruc de Salies 2 Bon partit eth jogat aguest darrèr dissabte en Bossòst dauant eth Montastruc equip de categoria inferior e que venguèc damb un equip justet. Era U.E. Bossòst presentèc dos equips diferents en cada part. Eth partit siguèc completament dominat per equip aranés e non siguèc enquiara era dusaua mietat a on se notèc mes eth cansament des jogadors francesi a on se marquèren era majoria des gols; ath descans s’auie arribat damb eth resultat de 2-0. Ath finau, bona golejada abantes de començar eth campionat. Eth plòplèu partit ei era prumèra jornada deth campionat, jogam en Bossòst dissabte 21 de seteme tàs 20:00 contra er equip der U.S. Rieux Volvestre.

Eth partit amistòs de deman dimenge en Castejon de Sos contra era U.D. La Montañesa a estat suspenut per tota er aigua queijuda agèr e que continue aué, deishant eth terren de joc impracticable. Eth plòplèu dissabte 14 de seteme jogam eth darrèr partit amistòs abantes de començar eth campionat, serà en Bossòst tàs 20:30 contra eth F.C. Montastruc.

C.F. La Pobla de Segur 6 - U.E. Bossòst 1 En partit amistòs jogat agèr dimenge en Pobla en que se jogaUE eth Trofeig Miguel Poyatos er equip pallarés s’emportèc ua clara victòria. Ena prumèra mietat cada arribada der equip locau se convertic en gol. En canvi er equip aranés auèc dues bones ocasions d’Emma e Ori. Damb 3-0 s’arribaue ath descans. Ena dusaua mietat siguèc quan ac passèrem pitjor en prumèr quart d’ora en encaishar 2 gols més. Eth polit gol de Yorman en shut ena esquaira mos hèc estar un sinhau milhor. Mos anulèren un gol per dehòra de joc d’Eric molt dubtòs. En ua contra mos marquèren eth darrèr gol. Ena mieja part deth partit enes actes deth reconeixement a Miguel Poyatos era U.E. Bossòst dèc ua camiseta der equip a on se podie lège Tostemp Miguel. Ath finau ua clara derròta dauant un rivau superior. Auem de milhorar enes àrees, em fluixi darrèr e non marcam dauant. Eth plòplèu partit ei tamben amistòs en Castejon de Sos, dimenge 8 de seteme tàs 17:00 contra era U.D. Mont...

U.E. Bossòst 0 - U.S. Castelginest 3 Prumèr partit dera sason aguesta eliminatòria dera Copa de França contra eth Castelginest, equip de dues categories més. Sònque començar as 5’ er arbitre suspenèc eth partit pera fòrta tronada. Se reprenèc eth partit damb fòrça igualtat en joc. A lèu deth descans en dues jogades er equip francés mercaue dos gols ara seguida, Guayroso e Amiel siguèren es golejadors. Damb 0-2 s’arribaue ath descans. Ena dusaua mietat non baishèrem es braçis e sajèrem de retalhar distáncies en mercador. Portauem era iniciatiua e pressiónauem molt ben ar equip contrari. A lèu deth finau, precedit damb un control damb era man, Guayroso mercaue eth 0-3, resultat ath finau deth partit. Ath finau, eliminadi dera Copa de França damb ua derròta massa gran. Contínuam trebalham entà preparar er inici deth campionat. Eth plòplèu partit serà eth dimenge 1 de seteme tàs 18:00 ,partit amistós en Pobla de Segur contra er equip locau que jogue en Tercera Catalana. U.E. Bossòst: Turm...

Eth partit disputat aguest darrèr dijaus 15 d’agost deth XXXX Trofeig Memoriau Huguet laguens des actes dera nòsta Hèsta Major siguèc guanhat peth Comminges St. Gaudens per 1-6, resultat abultat en que mos penalitzèc fòrça es error en defensa. Era part positiua siguèc eth dèbut des joeni jogadors que vien der equip U17 dera sason passada. Eth plòplèu partit ei eth dimenge 25 d’agost tàs 15:00 en Bossòst contre eth Castelginest de Copa de França.

Aguest dijaus 15 d’agost tàs 19:30 se jogarà eth XXXV Trofeig Memoriau Manuel Huguet entre es equips U.E. Bossòst e Comminges St. Gaudens guanhador era darrera sason de Liga e Copa. ¡¡¡ Vos demoram a toti!!!

U.E. Bossòst 2 - E.S. Le Fousseret 3 Partit dolent com era sason. Non mos a dat eth nivèu entà poder sauvar era categoria per lo tant era sason que ven jogaram ena Departamentau 3. Per un auta part boni resultats des equips dera Escola Fotbòl surtout enes categories de -17 e -15 qu’an quedat en dusaua posicion. Tornaram a prumers d’agost entà preparar era sason 2024-2025. ¡¡¡ Bon estieu entà toti !!! U.E. Bossòst: Edu, Alberto, Borja, Aitor, Nahuel, Christian, Albert, Rachid, Ori, Ivan, Àlex. Remplaçants: Lil, Gabi, Emmanuel. Trainer: Xavi Mena. Tarjetes auriòles: Christian, Rachid, Lil, Emmanuel. E.S. Le Fousseret: Amades, Tournier, Cester, Lahille I, Arcidet, Pons, Chamayou, Mehhouti, Lahille II, Couzinet, Pujol. Remplaçants: Dagiral, Rimbaud, Rosa. Trainer: Millet Michel. Tarjetes auriòles: Pons. Arbitre: Lacanal Christophe. Liniers: Mazac Thierry, Schaffner Michel.

U.S. Encausse 4 - U.E. Bossòst 1 Partit corresponent ath darrèr desplaçament dera sason 2023-2024 contra er Encausse, finaliste dera Copa Departamentau que perdèc contra eth St. Gaudens eth darrèr 13 de mai. Començèrem plan ben eth partit damb jogades de perilh en àrea francesa mes sense acabar de concretar eth darrèr passe o shut. Com tostemp passa ena prumèra arribada francesa, penalty “justet” que Sow shutaue entà mercar eth 1-0. Continuerem arribant mes damb eth 1-0 s’arribaue ath descans. Ena dusaua mietat un error defensiu lo aprofitaue Thiam entà mercar eth 2-0. Sajerem de retalhar distància en mercador mes siguèc Candotti que mercaue un doblet en aprofitar dues pilotes laguens der àrea. Siguèc Àlex en un gran lançament de falta eth que mercaue eth gol der aunor. Ath finau grossa derròta en darrèr desplaçament, non se joguèc tant mau com entà encaishar aguesta golejada mes lo que mos toque aguest an: gols encaishadi fàcilment e dificultat entà mercar. Eth plòplèu partit, ei eth ...

U.E. Bossòst 3 - Comminges St. Gaudens 2 Bon partit eth jogat aguest darrèr dissabte en Bossòst contra eth líder e campion dera Liga e qu’era semana que ven jogarà tamben era finau dera Copa Departamentau Sud. Eth partit siguèc de domini francés pendent tot eth partit més tostemp estèrem a prop deth mercador. En ua falta laterau Genet tot solet en dusau garròt mercaue eth 0-1. Empatauem ara seguida en ua indecision entre eth defensa e portèr qu’aprofitaue Àlex entà mercar eth 1-1, resultat que s’arribaue ath descans. Ena dusaua mietat eth St. Gaudens gessèc molt fort entà guanhar eth partit. Bones arturades deth portèr dera UEB Turmo en lançament de falta e shuts de luenh. En un cornèr Barthe de cap mercaue eth 1-2. Mos continuèrem defensam des atacs francesi e en ua contra Rella mercaue un polit gol entà empatar a 2. En un auta jogada de contraatac Rella siguèc placat per portèr Sall, era clara falta siguèc treta ràpidament per Àlex que la passaue a Lil que a porta bueda mercaue eth 3...

U.S. SaliesMane II 3 - U.E. Bossòst 1 Partit que perdèrem per errors nosti e ua actuacion arbitrau que non mos ajudèc bric, tot ath contrari. Encaishauem eth 1-0 en ua pilota de Marty a Verdier que dauant d’Edu shutaue ras. Auèrem vera arribada sense guaire perilh. Reclamèrem un penalty per ua falta laguens der àrea que non se sancionèc. Damb eth 1-0 s’arribaue ath descans. Ena dusaua mietat, sònque començar bona arturada d’Edu entà desviar era pilota a cornèr. Empatauem eth partit en un cornèr d’Albert que non sabem s’entrèc directa o siguèc tocada per un defensa. Mos durèc poc era joia, as 5 menutes una queijuda de Watel siguèc fiulada per arbitre coma penalty, shutat per Sieurac mercaue eth 2-1. Es causes se complicauem més quan Verdier tot solet en àrea gran shutaue e era pilota tocaue en un defensa entà mercar eth 3-1. Dempús patirem era expulsion de 10’ d’un jogador per tarjetes blanca. En ua bona jogada Àlex shutaue solet dauant deth portèr francés que desviau damb eth pé era ...

U.E. Bossòst 0 - Pyrennées Sud 4 Partit que se mos compliquèc ena prumèra mietat damb un error defensiu qu’aprofitaue Germa entà passar era pilota a Paya entà mercar eth 0-1. Dempús partit igualat enquiath descans sense guaire perilh enes àreas. Damb eth 0-1 s’arribaue ath descans. Ena dusaua mietat sajerem de dominar eth partit e auèrem ua bona oportunitat entà empatar més eth shut de Rella gessèc a tocar deth garròt. En tram finau deth partit er equip francés mercaue 3 gols : eth golejador Paya en un shut ras, Sánchez II en ua xilena e Costille de volea. Ath finau patim ua golejada en casa que mos complique fòrça era permanència. U.E. Bossòst: Leon, Emmanuel, Rashid, Edu, Albert, Christian, Hèctor, Max, Ivan, Roy, Aitor. Remplaçants: Rella, Lil, Quicu. Trainer: Xavi Mena. Tarjetes auriòles: Lil, Edu, Max. Pyrennées Sud: Díaz, Samaran, Dupuy, Duprat, Sánchez I, Costille, Cave, Moreau, Paya, Sanchez II, Germa. Remplaçants: Belin, Alexis, Arieu. Trainer: Anel Florent. Tarjetes auriòle...

A.S. Longages 3 - U.E. Bossòst 1 Partit en que presentauem fòrça baishes e que se dicidic ena prumèra mietat. Mos mercauem eth prumèr gol as 3 menutes. Sajerem d’arribar en àrea contrària sense guaire perilh. As 20 menutes encaishauem eth 2-0. A lèu deth descans mos mercauem eth 3-0 en ua jogada ràpida deth delanter Pratte. Dusaua mietat damb poques jogades de perilh enes àrees. Mercauem eth gol der aunor ena darrera menuta quan Gilbert aprofitèc ua pilota laguens der àrea. Ath finau, un auta derròta que mos complique encara més era permanència. Era dimenjada que ven non auem partit. Mos queden 5 partits que sòn 5 finals, aguest ei eth calendari: 20.04.24 20:00 U.E.Bossòst - Pyrennèes Sud 27.04.24. 20:00 SaliesMane II - U.E. Bossòst 04.05.24 20:00 U.E. Bossòst - Comm. St. Gaudens 25.05.24 18:00 Encausse - U.E. Bossòst 01.06.24 20:00 U.E. Bossòst - Le Fousseret A.S. Longages: Alfonso, Labatte, Zampimpa I, Ndoutoume, Diaby, Gabrit, Clamy, Zampimpa II, Migan, Pratte, Akue. Remplaçants: Ou...

Eaunes Labarthe 2 - U.E. Bossòst 0 Ena prumèra mietat clar domini der equip locau en que cercauen era esquia des nòsti lateraus e mos creauem vera ocasion de perilh. Era UEB sajaue de jogar ara contra entà arribar en àrea contrària. Er Eaunes artenhie era ventatja en mercador en ua bona jogada peth costat, era pilota arribaue ath bord der àrea e eth delanter centre shutaue ara esquaira un gol imparable, ere eth 1-0, resultat damb eth que s’arribaue ath descans. Ena dusaua mietat auerem eth control deth joc e començèrem a arribar en àrea contrària. Era expulsion per doble jauna de Christian mos perjudiquèc fòrça e er Eaunes aprofitèc entà mercar eth 2-0. A 5’ deth finau auèrem ua bona ocasion de Rella entà mercar e reduir era distància en mercador. Ath finau derròta clara que mos complique era permanencia. Era classificacion ei: St. Gaudens 43, Pouvourville 35, Luchon 32, Athletic Garona 31, Pyrennées Sud 28, Le Fousseret e Longages 20, Encausse 19, SaliesMane 13, Bossòst 11, Eaunes 1...

U.E. Bossòst 2 - F.C. Mabroc 0 Partit contra eth darrèr classificat que se presentèc sense cap jogador remplaçant. Dominèrem pendent tot eth partit més mos manquèc mercar enes múltiples ocasions qu’auerem. Ath quart d’ora eth joen jogador Albert mercaue eth 1-0 en ua volea damb era sua cama esquerra. Luis auèc un parelh de bones ocasions entà mercar. Un lançament de falta deth Mabroc siguèc era ocasion mes clara entà empatar. En un lançament de falta d’Hector a punt estèc de sorprene ath portèr Querre que desviaue era pilota entà cornèr. Damb eth 1-0 s’arribaue ath descans. Ena dusaua mietat mes de lo de madeish, clares ocasions de Luis e Ivan entà sentenciar eth partit mes non arribaue eth gol. En canvi com tostemp passe eth que perdone dempús se pot arrepentir. Eth Mabroc en un lançament de falta eth son capitan Setze shutaue ath garròt dera porteria. En un auta falta eth nòste portèr Turmo auèc de desviar era pilota a cornèr. Casi ath finau un bon passe d’Ivan lo aprofitaue Javi ent...

U.E. Bossòst 0 - E.F.C. Aurignac 1 Partit vibrant de Copa eth jogat aguest darrèr dissabte en Bossòst damb ua aficion nombrosa entà dar suport ath sòn equip. Era diferència de categoria non se notèc bric enes 90 menutes. Er Aurignac aprofitaue un error en defensa entà aué era prumèra ocasion qu’eth nòste portèr Edu desviaue eth shut ath garròt entà agarrar dempús era pilota. Ena dusaua arribada er equip francés mercaue eth 0-1 en ua pilota ara esquia dera defensa que Manent shutaue a gol. Er equip aranés le costaue arribar en àrea contrària en aguesta mietat. Damb eth 0-1 s’arribaue ath descans. Ena dusaua mietat damb era entrada de Christian e Àlex dominèrem eth partit e casi se joguèc tot eth temps en terren francés. Auèrem ua arribada de Rashid que tardèc en shutar quan se trobaue en ua bona posicion. Àlex damb un parelh de shuts de luenh sajèc de sorprene ath portèr Baboulene mes passauem ath costat deth garròt. Iauèc moltes interrupcions per part francesa, demostrant ofici entà re...

U.E. Bossòst 0 - Atletic Club Garona 1 Partit en Bossòst en que començèrem mau, pr’amor en escauament se lesionaue eth nòste capitàn Àlex. Açò comportèc ua prumèra part damb fòrça nervis e non joguèrem bric ben; sort auèrem des arturades deth nòste portèr Edu. Mos costèc gesse desde darrèr damb bona circulacion dera pilota lo que comportèc molt poques arribades damb perilh en àrea francesa. Iauèc ua jogada en qu’eth jogador francés Bonneau que ja estaue damb era tarjetes auriòla, hèc ua dura entrada a Albert mereshedora de targeta lo qu’auese comportat era suà expulsion, causa qu’arbitre lo avisèc verbalment e le perdonèc era tarjeta. Damb eth 0-0 s’arribaue ath descans. Ena dusaua mietat joguèrem un sinhau milhor mes non acabauem de dominar eth partit. Es francesi mercauen eth 0-1 en ua doble paret peth miei dera nòsta defensa que non sabèrem talhar. A partir d’aquieu mes arribades per part aranesa e joc ath contraatac deth A.C. Garona entà sentenciar eth partit. Era milhor ocasion d...