U.E. Bossòst 3 - Comminges St. Gaudens 2
Bon partit eth jogat aguest darrèr dissabte en Bossòst contra eth líder e campion dera Liga e qu’era semana que ven jogarà tamben era finau dera Copa Departamentau Sud.
Eth partit siguèc de domini francés pendent tot eth partit més tostemp estèrem a prop deth mercador. En ua falta laterau Genet tot solet en dusau garròt mercaue eth 0-1. Empatauem ara seguida en ua indecision entre eth defensa e portèr qu’aprofitaue Àlex entà mercar eth 1-1, resultat que s’arribaue ath descans.
Ena dusaua mietat eth St. Gaudens gessèc molt fort entà guanhar eth partit. Bones arturades deth portèr dera UEB Turmo en lançament de falta e shuts de luenh. En un cornèr Barthe de cap mercaue eth 1-2. Mos continuèrem defensam des atacs francesi e en ua contra Rella mercaue un polit gol entà empatar a 2. En un auta jogada de contraatac Rella siguèc placat per portèr Sall, era clara falta siguèc treta ràpidament per Àlex que la passaue a Lil que a porta bueda mercaue eth 3-2. D’aquieu ath finau domini francés e bona defensa des aranesi entà sumar es 3 punts.
Gran victòria dauant eth líder, ara non jogam enquia d’açi dues dimenjades, eth 25 de mai tàs 18:00 en Encausse les Thermes contra er equip locau.
U.E. Bossòst: Turmo, Albert, Gabi, Gilbert, Borja, Christian, Ivan, Paba, Lil, Àlex, Peiró.
Remplaçants: Rella, Emmanuel, Roy.
Trainer: Xavi Mena.
Comminges St. Gaudens: Sall, Barrouillet, Ouaked, Barthe, Perin, Duhaupas, Alonso, Ferreira, Gramont, Michel, Genet.
Remplaçants: Adoue, Paz, Pérez.
Trainer: Perin Sebastien.
Gols:0-1 Genet (25’), 1-1 Àlex (30’), 1-2 Barthe (60’), 2-2 Rella (75’), 3-2 Lil (80’).
Arbitre: Darnaud Claude.
Linier: Crassous Jerome.
Comentaris