Partit d’aquest darrèr dissabte en Bossòst entre eth trèsau e quatau classificat deth campionat. Començèc fòrça mau entath er equip aranés, as 5 menutes ua prolongacion damb eth cap de Dzuman siguèc rematada per Barthe tot solet, ere eth 0-1. Era U.E. Bossòst reaccionèc molt ben ath gol encaishat proposan un bon joc e auem clares ocasions de gol en dues rematades de cap de Camilo e Rachid. Un bon shut de Jhan obligaue ath portèr francés a desviar era pilota entà cornèr. Diego realitzèc fòrça jogades de perilh pera part dreta e sònque le manquèc era darrera passada. Auèrem eth premi a lèu deth descans, Hassane marquèc un gran gol, en un shut desde dehòra der àrea que se colaue ena esquaira dera porteria. Ere eth 1-1 resultat en que s’arribarie ath descans.
Ena dusaua mietat eth joc s’anaue a enlordir un sinhau e non auèrem tantes ocasions de gol. La mes clara per part nòsta ua internada de Jhan qu’acabéc damb un shut ras que Baboulene desvièc damb eth pé a cornèr. Er Aurignac auèc era suà oportunitat en un shut de falta de Dzuman qu’anau a tocar en garròt dera porteria aranesa. Damb eth 1-1 s’acabaue eth partit.
Ath finau un empat que mos sap a poc as dos equips que mos deishe en madeish lòc dera classificacion.
Eth plòplèu partot non serà enquiath mes de mai, dissabte 3 tàs 20:00 en Bossòst contra er equip deth Miramont.
U.E. Bossòst: Jordi, Rachid, Jhan, Eric, Hassane, Ahmed, Diego, Camilo, Yorman, Sergio, Quicu.
Remplaçants : Manu, Lil, Hèctor.
Trainer: Xavi Mena.
Tarjetes auriòles: Rachid, Jhan, Hassane, Ahmed.
E.F.C. Aurignac : Baboulene, Gilhodes I, Lapuyade, Buosi, Cazabet, Dinnat, Gilhodes II, Brini, Dzuman, Barthe, Leymarie.
Remplaçants : Aurignac, Thevenot, Boube.
Trainer: Lapuyade Romain.
Tarjetes auriòles : Lapuyade, Leymarie.
Gols: 0-1 Barthe (5’), 1-1 Hassane (40’).
Arbitre: Coulaud Yoan.
Comentaris