U.E. Bossòst 3 - E.C. St. Martory 2
Partit jogat aguest darrèr dissabte en Bossòst en un terren de joc en bon estat a pesar de mau temps.
Partit dominat pendent es 90 menutes per equip aranés a qui le manquèc era finalitzacion ena porteria contrària e estèrem tendri enes poques jugades en qu’arribèren ena nosta àrea.
Ena prumèra meitat ocasions molt clares d’Ori e Rachid. Tamben André e Àlex estèren a punt de mercar. Eth gol arribaue ara mieja ora de joc, Jhan aprofitaue un bon pase d’Àlex entà mercar d’un shut ras. Damb eth 1-0 s’arribaue ath descans.
Ena dusaua mietat as 5 menutes er equip francés aprofitaue ua pilota d’un pase nòste entath portèr entà mercar Duplan eth 1-1. Açò mos descentrèc un sinhau e deishèrem escapar a un delanter que se plantaue dauant deth nòste portèr Turmo que lograue arturar era pilota. Tornèrem a jogar milhor e Julián ere objecte d’un clar penalty que Ori s’encargaue de mercar eth 2-1. Encara se mos metien milhor es causes quan Jhan mercaue eth sòn dusau gol, ere eth 3-1. Abantes d’acabar eth partit Vialas reduie distàncies en mercador, ere eth 3-2, e ja non quedèc més temps.
Ath finau, victòria cuerta en un partit de bon joc més auem de milhorar fòrça enes dues àrees.
Eth plòplèu partit ei en Bossòst, dissabte 21 de març tàs 19h contra er equip deth Labarthe de Riviere.
U.E. Bossòst : Turmo, André, Rachid, Borja, Jhan, Hassane, Albert, Ahmed, Julián, Ori, Àlex.
Remplaçants: Christian, Sergio, Aitor.
Trainer: Alfonso Pérez.
E.C.ST. Martory: Leguillon, Susigan, Roquebert, Fourroux, Chaubet, Rouede, Cazes, Antoine, Lucas, Vialas, Duplan.
Trainer: Laville Lionel.
Tarjetes auriòles: Leguillon, Antoine.
Gols: Jhan (30’), 1-1 Duplan (55’), 2-1 Ori (70’), 3-1 Jhan (75’),
3-2 Vialas (90’).
Arbitre: Mallet Alexandre.
Delegat: Hubert Marc.
Comentaris